De camiño a Romanía: O alumnado do Toural volve ir de Erasmus
Por Redacción
O CPI do Toural recupera o seu programa Erasmus, paralizado desde o estalido da pandemia. Dentro do proxecto KA229 "Learning for my future", un grupo de oito estudantes de cuarto da ESO e tres docentes poñen rumbo a Romanía.
Na cidade de Halmeu espéranos xa as familias coas que compartirán esta experiencia desde o 13 ao 17 de decembro. Durante a súa estancia, os alumnos terán a oportunidade de coñecer lugares como Transilvania ou a cidade amurallada de Sibiu.
Dentro deste proxecto, os participantes reuniranse tamén con estudantes de Lituania e República Checa. Unha experiencia que lles dará a oportunidade de facer un proxecto común consistente na elaboración dun documental sobre a viaxe.
Para facelo deben tomar notas e gravar o as súas vivencias para logo elaborar en equipo a peza audiovisual.
O programa terá continuidade con futuras viaxes doutros estudantes a Lituania e República Checa, así como a visita de alumnos deses países a Vilaboa.
Relacionadas:
-
O CPI do Toural vai rematando a súa experiencia Erasmus
Por Redacción |
-
Alumnado de Vilaboa, Romanía, República Checa e Lituania estreita lazos e rexeita a guerra de Ucraína
Por Redacción |
-
Regresa a Vilaboa o alumnado do Toural que participou en República Checa nun programa Erasmus+
Por Redacción |
-
O alumnado do colexio do Toural reflexiona sobre a violencia machista
Por Redacción |
-
Alumnado do Toural de Vilaboa protagoniza un vídeo sobre acoso que chegará a colexios de toda España
Por María José Pita |