Un condutor resulta ferido nun accidente de tráfico en Cuntis
Por Oskar Viéitez
O condutor dun turismo resultou ferido nun accidente de tráfico entre dous vehículos rexistrado este xoves en Cuntis.
Segundo informou o Servizo municipal de emerxencias, o sinistro ocorreu pouco antes das oito e media da mañá na estrada nacional N-640, no lugar de Troáns.
Un dos vehículos recibiu un impacto na parte dianteira mentres que o coche do ferido saltou por encima do gardarraíl e quedou envorcado.
Como consecuencia deste forte golpe o condutor sufriu diversas contusións, entre outras, presentaba cortes na cara pola rotura do parabrisas.
Esta persoa foi trasladada ata un centro sanitario para recibir atención médica.
Relacionadas:
-
Aparatosa saída de vía na PO-220 cun ferido leve
Por Redacción |
-
Cae un motorista a causa dun animal que interceptou na vía, en Cuntis
Por Oskar Viéitez |
-
As curvas de Castroloureiro e a estrada da Portela, os 'puntos negros' da rede viaria de Cuntis
Por Redacción |
-
Tres mozos resultan feridos nun accidente de madrugada en Cuntis
Por Redacción |