As praias da Carabuxeira e Lavapanos poderán recibir achegas de area periódicas ata 2025
Por Oskar Viéitez
Sanxenxo acolleu este xoves unha reunión do grupo de traballo que forman Portos de Galicia, o Servizo Provincial de Costas e Nauta sobre a rexeneración da praia da Carabuxeira.
Durante o encontro abordouse a situación da tramitación da fase definitiva de recuperación dos areais da Carabuxeira e Lavapanos e as posibles achegas periódicas de area durante un período de 4 anos, previa autorización, dentro dos traballos de mantemento da actuación realizada o ano pasado.
No encontro tamén se tratou o informe emitido pola Dirección Xeral da Costa e o Mar no seo do procedemento de avaliación de impacto ambiental simplificada do proxecto de rexeneración da praia da Carabuxeira e Lavapanos e acordouse solicitar a visita dos responsables do órgano estatal a Sanxenxo para que coñezan sobre o terreo o resultado da fase provisional e o ámbito de actuación do proxecto definitivo.
Dito informe, de decembro de 2021, valora e analiza administrativamente as actuacións propostas no proxecto de rexeneración desta praias coa construción dun espigón rampla perpendicular á praia, a achega de area e o paseo marítimo, que como tal, só podería facerse nos 6 metros de servidume de tránsito.
Esta última circunstancia na Carabuxeira, como noutras moitas praias da costa española, non se cumpre pois hai, indica o informe, "edificacións e cerramentos que ocupan os 6 metros da servidume de tránsito" polo que se se decide facer un paseo fixo terá que ser mediante cesións voluntarias ou expropiacións.
Relacionadas:
-
A Xunta considera que o dique de contención de area na Carabuxeira non terá impacto ambiental
Por Redacción |
-
Desaconsellan o baño na praia da Carabuxeira por problemas na auga
Por Redacción |
-
Avanza a rexeneración das praias da Carabuxeira e Lavapanos
Por Redacción |
-
Nauta ultima a petición a Costas de novos bombeos de area a Lavapanos e A Carabuxeira
Por Redacción |
-
O aporte de area á praia da Carabuxeira permitiu protexer as vivendas
Por Redacción |
-
Sanxenxo contratará por uns 50.000 euros o acondicionamento de 23 praias
Por Redacción |
-
VÍDEO.- O Concello de Sanxenxo mostra o cambio da praia da Carabuxeira en doce meses
Por Redacción |
-
ADEGA oponse ao novo dique que o porto deportivo de Sanxenxo quere construír fronte á Carabuxeira
Por Redacción |