O PSOE enrócase con Pasarón: "Se hai responsables sería bo que se coñecesen, sexan do partido que sexan"
Por Diego Espiño
O culebrón no que se converteu todo o que rodea á construción do novo Estadio de Pasarón non ten visos de chegar ao seu fin.
Nesta ocasión o encargado de avivar a polémica foi o concelleiro de Deportes de Pontevedra, Agustín Fernández, quen reiterou a súa intención de non recepcionar polo momento a obra ao mesmo tempo que reclama á Deputación a documentación pendente para aclarar o sobrecusto do proxecto, porque "o tema non estará zanxado ata que os cidadáns sepan porque a obra custou o dobre".
Fernández defendeu a súa postura esixindo coñecer o nome dos responsables "sexan do partido que sexan", a pesar de que iso, asegura, poida salpicar a algún compañeiro de organización: "se alguén do PSOE fixo algunha irregularidade que a pague".
Agustín Fernández: "A quen lle pode molestar coñecer a verdade?"
O concelleiro socialista reiterou "non coñecer o destino dos cartos" lanzando unha pregunta ao aire: "A quen lle pode molestar coñecer a verdade?"
Para pechar a súa intervención ante os medios de comunicación, Agustín Fernández quixo defender ao ex responsable municipal de Deportes, Chano Esperón, citado polo nacionalista César Mosquera: "me molesta que saquen o seu nome. A comisión de seguemento formouse en setembro de 2007, difícilmente Chano puido participar".
Relacionadas:
-
O PSdeG-PSOE non descarta xudicializar a reforma de Pasarón
Por Redacción |
-
Louzán critica a "deslealdade" do grupo socialista cara os seus socios do BNG en Pontevedra
Por Oskar Viéitez |
-
Louzán deféndese no Parlamento das acusacións de "caciquismo"
Por Oskar Viéitez |
-
O BNG pasa páxina co sobrecusto de Pasarón e estráñase pola denuncia do PSOE á Deputación
Por Redacción |
-
O PSOE pide explicacións no xulgado á Deputación polo sobrecusto de Pasarón e os gastos de La Vuelta
Por Natalia Puga |