Marín presentará o seu plan de mobilidade nun acto aberto á cidadanía
Por Redacción
O Museo Municipal Manuel Torres acollerá o próximo 24 de febreiro o acto público no que o Concello de Marín presentará os detalles do seu plan de mobilidade urbana sustentable (PMUS), o documento que servirá de folla de ruta para o futuro do municipio.
Para participar neste encontro, que comezará ás sete da tarde, será necesaria inscrición previa.
A convocatoria está aberta a todo o que queira coñecer os pormenores do plan que se está a elaborar en materia de urbanismo, mobilidade e mellora e optimización do espazo público.
Esta presentación contará coa intervención da alcaldesa, María Ramallo, que exporá cales foron as canles institucionais que houbo que poñer en marcha para a elaboración do PMUS e cales son os obxectivos do goberno local de cara a avanzar na construción de Marín.
Tamén intervirá un dos técnicos da empresa Proyestegal, que é a encargada de redactar este plan de mobilidade, que se enmarca dentro da estratexia Marín Dusi, cofinanciada nun 80% polo Fondo Europeo de Desenvolvemento Rexional da Unión Europea.
Relacionadas:
-
Ramallo anuncia a fase final de elaboración do Plan de Mobilidade Urbana Sostible de Marín
Por Redacción |
-
Marín constata un elevado uso do coche particular para pequenos traxectos e un interese crecente pola bicicleta
Por Redacción |
-
Unha enquisa anónima axudará a definir o Plan de Mobilidade da vila
Por Redacción |