Arranca o segundo mandato de David Regades á fronte da executiva provincial socialista
Por Redacción
O renovado Comité Executivo Provincial do PSdeG-PSOE, saído do 4º Congreso celebrado a pasada fin de semana, celebrou na tarde deste venres a súa primeira xuntanza baixo a dirección de David Regades.
O secretario xeral provincial David Regades dirixiuse ás 55 persoas que forman parte da Executiva para pedirlles que contribúan a que todo o partido "se arremangue" para seguir gañando as Eleccións Municipais, que chegarán xa o ano próximo "e, co traballo de todos e todas, facelo aínda con máis forza". Regades destacou que despois das 23 alcaldías obtidas nos últimos comicios hai que facer o posible para continuar avanzando e que se hoxe son máis de 600.000 as pontevedresas e pontevedreses gobernados por socialistas nos seus concellos esa cifra se amplíe aínda máis.
"Esta provincia non pode permitirse retroceder despois de catro anos de avance e menos diante dun Partido Popular sumido en pleno proceso de descomposición, que se desangra en liortas que nada teñen que ver co benestar da xente", manifestou o secretario xeral dos socialistas da provincia de Pontevedra.
Regades animou a todo o socialismo a manter a cabeza nos problemas reais da xente. "Os homes e mulleres do PSdeG temos a cabeza en cada concello, en cada unha das catro provincias e en Galicia mentres que o Partido Popular está pendente de espiarse entre eles de xeito delictivo e dos dossieres sobre os e as aspirantes a ocupar o 'sillón' de Génova", remarcou.
David Regades anunciou o comezo dun calendario de traballo de cara a intensificar a presencia do partido nos 61 concellos da provincia co obxectivo de difundir información veraz sobre os avances que teñen chegado da man das Alcaldías socialistas e dunha Deputación progresista, e encamiñar así a recta que conduce ás próximas Eleccións Municipais.
EXECUTIVA PROVINCIAL RENOVADA
En canto á composición da nova Executiva provincial, Regades destacou que trae consigo unha ampla renovación, pois entre as 55 persoas hai 23 novas incorporacións, ao tempo que mantén o talento humano da anterior.
Ademais destacou que se trata dun grupo humano feminista, con ampla presencia de mulleres que ocupan responsabilidades tanto na política local como na provincial e na autonómica, "profundamente municipalista" e "comprometido xeneticamente cos principios da socialdemocracia".
Relacionadas:
-
Os socialistas de Barro, Moraña e Cerdedo-Cotobade renovan as súas executivas
Por Redacción |
-
Maica Larriba, a figura de consenso para liderar o PSOE en Pontevedra
Por Alejandro Espiño |
-
Os socialistas pontevedreses presumen de integración e feminismo nunha nova executiva provincial
Por Redacción |
-
Acordo entre David Regades e Paloma Castro para unha candidatura única ao congreso do PSdeG-PSOE en Pontevedra
Por Alejandro Espiño |