Accidente laboral nun almacén de froita de Poio
Por Oskar Viéitez
Un traballador resultou ferido ao quedarlle atrapada unha perna contra un palet.
O accidente tivo lugar este martes pola tarde cando este operario manexaba un transportín eléctrico nun almacén de froita de Poio.
O ferido foi trasladado nunha ambulancia do 061 ata o Hospital Quirónsalud Miguel Domínguez de Pontevedra.
A Policía Local de Poio abriu dilixencias para aclarar as circunstancias nas que se produciu este accidente laboral.