As prazas de estacionamento do 'vacunódromo' deixarán de estar operativas desde o luns
Por Redacción
O dispositivo especial de estacionamento na contorna do edificio administrativo da Xunta en Pontevedra deixará de estar operativo a partir deste luns.
A zona estaba desde o pasado novembro sinalizada para axilizar e acomodar o proceso de vacinación masiva dos últimos meses, permitindo así poder parar co vehículo a todas as persoas que o necesitasen.
Por este motivo, o Concello de Pontevedra sinalizou as rúas Luis Braille, Alfonso X, Antonio Taboada Nieto e Iglesias Vilarelle nas periferias ao edificio da Xunta para reservar prazas de aparcadoiro, libre ou de servizo, para os asistentes da vacinación.
As medidas tomadas, segundo o goberno local, "demostraron ser efectivas e funcionais, permitindo que o proceso de vacinación fose realizado sen grandes atrasos e sen que a contorna soportase grandes retencións por mor do tráfico de axitación en busca de aparcadoiro".