A brigada de obras de Bueu está a traballar no parque da Chadiza, os areais e a contorna do lavadoiro da Portela
Por Redacción
O Concello de Bueu comezou esta semana coa renovación dos xogos deteriorados no parque da Barraca, na parroquia de Cela. Segundo salienta o alcalde Félix Juncal, que tamén é o encargado da área de obras e servizos, unha empresa especializada está revisando o estado das diversas máquinas lúdicas para avaliar as que se poden reparar e as que é preciso substituír.
Estes traballos forman parte do plan de mantemento dos espazos públicos municipais en todas as parroquias, e por iso se irán acometendo revisións constantes.
De cara á tempada de Semana Santa e verán continuará nas próximas semanas e de forma ininterrompida o plan de mantemento que comezou xa hai días e que permitirá actuar en diversas zonas.
Así, actualmente o persoal da brigada de obras e servizos atópase no lavadoiro de A Portela, onde se realiza unha limpeza da contorna, e tamén se comezou coa limpeza e roza dos accesos a algúns areais con tractor e medios mecánicos, e de parques como o da Chadiza, na parroquia de Beluso.
Sobre o avance do plan, Juncal salienta que este xoves programarase unha limpeza mecanizada dos areais urbanos.
A brigada de xardinería está ultimando a preparación dos espazos nos que se plantarán flores ornamentais na próxima semana, cando tamén se comezará cos traballos de baldeo e decapado dos espazos urbanos, que este ano se realizarán cunha máquina propia adquirida polo Concello, e que permitirá incrementar as zonas.
Relacionadas:
-
O parque infantil das Palmeiras pechará durante tres semanas para unha renovación integral
Por Raquel Currás Martínez |
-
Estudan as ferramentas que serán musealizadas no Estaleiro da Banda do Río
Por Redacción |
-
O departamento de Urbanismo de Bueu simplifica os trámites á cidadanía
Por Redacción |
-
Reordenan a rúa Johan Carballeira con semáforos para acabar cos atascos
Por Redacción |