Recuperada a procesión do Cristo das Caídas coa imaxe tradicional
Por Mónica Patxot & Redacción
Fieis de Pontevedra seguiron este luns a Procesión do Cristo das Caídas coa recuperación dos actos relixiosos da Semana Santa pontevedresa no programa deste 2022. Neste caso, a confraría da Vera Cruz lograba trasladar á cidade esta imaxe que se atopaba no Convento de Santa Clara e, que tras o peche e venda do inmoble, permanecía en Santiago de Compostela.
A confraría pontevedresa lograba que a imaxe regresase á cidade do Lérez despois de negociar coas irmás clarisas, congregación propietaria desta figura do Cristo das Tres Caídas. No ano 2019 utilizouse para esta procesión de Luns Santo a imaxe do nazareno procedente do Convento de San Francisco de Cambados, ao atoparse xa pechado e sen monxas o Convento de Santa Clara.
Coa interpretación de moletes ao longo do percorrido, a procesión na que participaron outras confrarías partiu ás 20.30 horas da igrexa de San Bartolomé para percorrer o centro histórico por rúas como Sarmiento, Pasantería, Michelena, Tetuán, Princesa, praza do Teucro, Méndez Núñez e finalizar en Sarmiento na igrexa de San Bartolomé, onde permanece a imaxe en custodia.
Relacionadas:
-
Pontevedra vive unha das grandes citas da súa Semana Santa coa procesión dos Pasos
Por Alejandro Espiño & Mónica Patxot |
-
Mércores Santo coa procesión da confraría da Maior Dor dando fin á coresma
Por Mónica Patxot & Redacción |
-
A chuvia obriga a suspender a procesión de Xesús Nazareno e María Santísima da Esperanza
Por Mónica Patxot & Redacción |
-
A Burrita quedou en Campolongo este Domingo de Ramos
Por Oskar Viéitez & Cristina Saiz |
-
A procesión da Virxe das Dores percorreu este venres as rúas de Pontevedra
Por Oskar Viéitez |