Canelas estrea a súa área biosaudable con espazo para a práctica de calistenia
Por Redacción
Portonovo conta xa cun novo espazo deportivo e multidisciplinar en Canelas. O parque, que substitúe a unha área infantil que estaba deteriorada, foi inaugurado este martes polo alcalde de Sanxenxo, Telmo Martín, e o concelleiro de Medio Ambiente, Juan Deza.
Nel, o goberno municipal ha investido uns 40.000 euros, dos cales case o 60% foi sufragado cunha subvención do GDR Salnés Ulla-Umia e o resto con fondos municipais.
O parque conta con módulos colocados de forma secuencial para que se vaian traballando os grupos musculares do tren superior e inferior e do tronco.
Instalouse unha área de calistenia nun espazo diferenciado e un parque biosaudable con bicicleta estática, unha roda grande, dous pedais estáticos, unha cadeira para adestrar pectorais, un esquí de fondo, un remo, un slalom, un xiro de cintura e uns patíns.
Este parque, segundo Telmo Martín, "vén a completar a oferta lúdica deportiva dende os 3 ata os 100 anos no municipio", contribuíndo a fomentar o exercicio ao aire libre.
Con respecto aos parques infantís, o Concello prevé sacar en breve a licitación a mellora das súas 25 áreas tras a realización dunha análise das zonas de xogo no que se detectaron diversas deficiencias e desgaste polo uso.
O contrato, que sairá a concurso por algo máis de 100.000 euros, incluirá tamén tarefas de mantemento pola empresa que leve a cabo os traballos durante polo menos un ano.
Relacionadas:
-
A campaña de reparación de parques infantís e biosaudables de Sanxenxo comeza por Bordóns
Por Redacción |
-
O mantemento e mellora dos parques infantís de Sanxenxo sae a concurso por 119.122 euros
Por Redacción |
-
O Concello de Sanxenxo ten en execución obras por 2,7 millóns de euros en catro parroquias do municipio
Por Redacción |
-
Canelas estreará o seu parque biosaudable e de calistenia a finais de maio
Por Redacción |