A campaña de reparación de parques infantís e biosaudables de Sanxenxo comeza por Bordóns
Por Redacción
O Concello de Sanxenxo comezará a próxima semana en Bordóns coa posta a punto dos 25 parques infantís e biosaudables municipais. A adxudicataria dos traballos de mellora destes espazos municipais é Multiservicios Doval por un custo de 119.000 euros, unha cifra lixeiramente inferior respecto ao orzamento de licitación.
O desgaste provocado polo paso do tempo e, nalgúns casos, o uso inapropiado das instalacións provocou que non se atopen nun estado óptimo para o seu goce.
O contrato inclúe a renovación ou reparación de pezas en mal estado e a construción dun novo campo de petanca e chave no parque do Espiñeiro.
Os traballos realizaranse nun prazo máximo de dous meses e medio. En Dorrón actuarase no parque infantil e zona biosaudable de Areas; en Bordóns mellorarase o parque infantil de Outeiro e o parque biosaudable do Sear; en Padriñán melloraranse os parques de Miraflores, Panadeira e Punta Vicaño; en Adina actuarase nos parques de Baltar, Praza Pública, Espiñeiro, San Roque, Seame I, Seame II e o do campo de festas de Arra; en Noalla, nos parques da igrexa de Aios, Soutullo, igrexa de Noalla e A Revolta; en Vilalonga, nos parques da praza de abastos, Arnosa, Salgueira, Praza Pública e capela de Gondar; en Nantes mellorarase o parque de Contumil e o da igrexa.
Substitución de pezas de xogos, reparacións de elementos, eliminación de óxido ou renovación de valados e superficies son as necesidades máis recorrentes que presentan os parques do municipio. Unha posta a punto que inclúe tamén tarefas de mantemento durante un ano.
No apartado de melloras, valoradas en 7.900 euros, inclúese a limpeza inicial dos parques infantís e áreas biosaudables, a substitución do bordo de madeira por un de granito dos campos de chave e petanca que se instalarán no Espiñeiro e o cambio de tornillería e reforzo dos bancos por uns de aceiro inoxidable.
Relacionadas:
-
Conclúe a renovación da pista deportiva e as pezas de xogo do parque de Panadeira
Por Redacción |
-
Bordóns, punto de partida para a posta a punto dos parques de Sanxenxo
Por Redacción |
-
Incremento do 21,6% en gasto social no orzamento de 39 millóns de euros para 2023 en Sanxenxo
Por Redacción | Creada e actualizada
-
As dúas futuras pistas de petanca de Nantes, en obras
Por Redacción |
-
O mantemento e mellora dos parques infantís de Sanxenxo sae a concurso por 119.122 euros
Por Redacción |
-
Canelas estrea a súa área biosaudable con espazo para a práctica de calistenia
Por Redacción |
-
Arranxan os 25 parques infantís municipais de Sanxenxo
Por Redacción |