Tino Fernández quere repetir como candidato do PSOE: "Boa parte da militancia animoume a dar este paso"
Por Alejandro Espiño
Haberá primarias para elixir o candidato do PSdeG-PSOE á Alcaldía de Pontevedra. O actual portavoz municipal, Tino Fernández, confirma que se presentará a este proceso interno para volver encabezar a candidatura socialista ás eleccións municipais de 2023.
Enfrontarase, previsiblemente, ao seu compañeiro no propio grupo municipal, o edil Iván Puentes, que hai semanas deixou entrever que pugnará por encabezar a devandita candidatura.
"Estívenlle dando moitas voltas e decidín presentarme", explica Fernández a PontevedraViva. Faino, segundo recoñece, despois de que "boa parte" da militancia do PSOE en Pontevedra "animárase a dar este paso".
Aínda que "falta moito tempo", segundo o tenente de alcalde, para unhas primarias que, segundo as previsións do partido, celebraranse en outubro, o dirixente socialista entende que "é conveniente que saibamos a folla de ruta de todos canto antes".
Este paso definitivo do actual líder do PSOE municipal chega, recoñece el mesmo, tras a publicación da enquisa de Sondaxe para La Voz de Galicia que revela que "teño unha boa valoración e un alto grao de coñecemento" entre os cidadáns.
"O PSOE ten que aproveitar iso", subliña o edil, que defende que este mandato demostrouse que o goberno municipal "funciona mellor" cando os socialistas forman parte del, "aínda que haxa quen crea que o camiño é a confrontación co socio de goberno".
Tino Fernández destaca a súa "boa sintonía" co BNG, co que o PSOE forma actualmente un goberno "sólido" e con áreas definidas que "funcionan ben".
Ter que competir cun membro do seu propio grupo municipal é para Fernández un "feito curioso", aínda que asegura que "será bo debater". Adianta que "eu defenderei as miñas ideas e Iván as súas", partindo da base de que os seus proxectos "non se diferencian moito".
Serán os seus compañeiros "os que teñan que elixir á persoa que non só sexa o mellor para o partido senón que poida atraer máis votos dos cidadáns", resume o tenente de alcalde.
Relacionadas:
-
O PSOE 'oficializa' as súas primarias en Pontevedra e confirma a Tino Fernández e Iván Puentes como candidatos
Por Alejandro Espiño |
-
Tino Fernández ou Iván Puentes, só pode quedar un á fronte do PSOE pontevedrés
Por Alejandro Espiño |
-
11-D, data escollida polos socialistas para as primarias en Pontevedra
Por Anxo Lourido |
-
Os socialistas, listos para iniciar a carreira das primarias para as municipais do 2023
Por Redacción |
-
Iván Puentes: "Quero un PSOE que, sen complexos, aposte por gañar as eleccións"
Por Alejandro Espiño & Mónica Patxot |
-
Iván Puentes inicia a carreira para liderar o cartel do PSOE nas municipais de 2023
Por Redacción |
-
Lores buscará o seu sétimo mandato en Pontevedra cun proxecto "a 8 ou 10 anos vista"
Por Alejandro Espiño & Mónica Patxot |
-
Os socialistas pontevedreses presumen de integración e feminismo nunha nova executiva provincial
Por Redacción |