Un xuño internacional para Pontevedra, que explicará o seu modelo urbano en Irlanda do Norte, Suecia, Francia ou Portugal
![Alejandro](/web/cache/scene/uploads/xornalistas/foto/dee/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5624216432-20150128-patxot-alex-espino-002.jpg)
Por Alejandro Espiño
Belfast (Irlanda do Norte), Helsingborg (Suecia), Estrasburgo (Francia) ou Lisboa (Portugal) son algunhas das cidades internacionais nas que, ao longo das próximas semanas, vaise a falar de Pontevedra como referente en materia de urbanismo e mobilidade sostible.
Son cinco dos convites que aceptou o Concello durante o mes de xuño para participar como relatores en diferentes eventos que teñen que ver co urbanismo, a loita contra o cambio climático ou o deporte no espazo público.
O impacto destas citas, segundo o alcalde Miguel Anxo Fernández Lores, "é importantísimo para Pontevedra" porque é unha promoción "impagable" que permite levar o nome da cidade "a espazos e lugares que outras cidades non poden permitirse".
O modelo urbano, recordou o alcalde, "é un fito creado entre todos e todas ao longo destes vinte anos", que permitiu que sexa un referente internacional en diversos ámbitos, froito do traballo participativo de toda a cidade e o mantemento e respecto polos cambios feitos.
Esta xira arrancará en Barcelona, aínda que de xeito telemático. Fernández Lores participará o 7 de xuño no relatorio "A cidade peonil", organizado pola Deputación de Barcelona.
A Belfast viaxará o propio alcalde o día 10 de xuño para asistir a un foro sobre liderado climático, evento impulsado pola Academia de Urbanismo do Reino Unido, na que os participantes exporán "ideas de vangarda para mellorar as cidades", destacou o rexedor.
Os días 13 a 14 de xuño, Fernández Lores estará en Xirona para impartir a conferencia "A cidade que queremos" nun evento da Fundación Arquitectura e Sociedade; mentres que o director xeral de Mobilidade, Daniel Mancelle, fará o propio no congreso global Mobility Call que acollerá Madrid o 15 de xuño.
No caso de Helsingborg (Suecia), tamén os días 15 e 16 de xullo, serán Anabel Gulías e Alberto Oubiña os que participen na palestra "A creación de lugares como un esforzo de toda a cidade: como os municipios poden crear lugares exitosos e fortalecer comunidades", un evento da rede Placemaking Europe.
A cita máis importante será a intervención do alcalde no segundo foro europeo sobre os centros das cidades, que acollerá o Parlamento Europeo en Estrasburgo entre os días 28 e 30 de xuño, organizado pola asociación francesa Centre Ville en Movement.
Por último, o tenente de alcalde, Tino Fernández, acudirá a Lisboa o 8 de xullo para participar como relator no congreso internacional "Cidade amiga do deporte con espazos públicos que promoven a actividade física e o deporte".
Relacionadas:
-
Europa mira cara Pontevedra na busca de inspiración para peonalizar as súas cidades
Por Alejandro Espiño |
-
Un "fallo de configuración" no despegue do avión complica a viaxe de Lores a Estrasburgo
Por Alejandro Espiño |
-
O "modelo Pontevedra" suscita interese na H22 City Expo de Helsingborg
Por Redacción |
-
Lores presenta o modelo de cidade en Belfast ante expertos en urbanismo e cambio climático
Por Redacción |
-
Lores explica a políticos e técnicos de Barcelona a súa idea de 'cidade dos 15 minutos'
Por Redacción |
-
Lestoux&Associés estuda en Pontevedra trasladar o modelo de cidade a un programa do goberno francés
Por Mónica Patxot & María José Pita |
-
Pontevedra, invitada a explicar a súa transformación urbana no Parlamento Europeo
Por Alejandro Espiño |