Amplían o horario de veladores e terrazas ata o 4 de setembro
Por Redacción
O Concello de Pontevedra ampliará desde esta próxima fin de semana o horario das terrazas e veladores de hostalería.
A medida, baseada no artigo 23 da ordenanza municipal que regula a instalación de veladores na vía pública, entrará en vigor este venres 8 de xullo e prolongarase ata o 4 de setembro coincidindo co fin da Feira Franca.
Durante este espazo de tempo, os días de semana poderanse manter as terrazas ata as 2.00 horas da madrugada.
Pola súa banda tanto as fins de semanas como os festivos e todos os días das Festas da Peregrina (13 ao 21 de agosto, ambos os incluídos) o horario máximo para os veladores serán as 2.30 horas.