Doce estudantes de Estados Unidos realizarán prácticas de observación no Complexo Hospitalario durante este mes
Por Redacción
Esta semana incorporáronse doce estudantes de Pre-Medicina, procedentes do estado norteamericano de Florida, á actividade do Complexo Hospitalario Universitario de Pontevedra (CHUP). Por sétimo ano consecutivo, estudantes que forman parte do 'Proxecto Atlantis' participan nos hospitais públicos pontevedreses desta iniciativa.
Trátase dun programa de prácticas de observación en hospitais co obxectivo de facilitar os vínculos entre os futuros facultativos e investigadores de Estados Unidos e os profesionais sanitarios dos centros nos que realizan as prácticas.
Sonia Fernández-Arruti, directora asistencial da área sanitaria de Pontevedra-O Salnés, e a directora de Atención Hospitalaria, Yolanda Sanduende; ademais do xefe de sección do servizo de Pneumoloxía do CHUP, Adolfo Baloira, mantiveron un encontro coas estudantes que, no próximas catro semanas, realizarán rotacións en parellas por distintos servizos hospitalarios.
Está previsto que estas estudantes percorran os servizos de Cirurxía Xeral e Dixestiva, Uroloxía, Pneumoloxía, Cirurxía Vascular, Xinecoloxía, Dixestivo, Anestesioloxía, Otorrinolaringoloxía e Medicina Interna, para realizar esas prácticas de observación, non médicas ou sanitarias, en diversas especialidades que, ata o de agora, descoñecían. Con esta perspectiva búscase que poidan profundar na súa vocación médica e vivir unha experiencia persoal no día a día da actividade sanitaria.
Estas alumnas superaron un grao universitario e deberán aprobar un exame de acceso para acceder á facultade de Medicina, segundo a información facilitada polo Sergas.
Relacionadas:
-
Hai 120 pacientes na área sanitaria de Pontevedra diagnosticados con colanxite biliar primaria
Por Redacción |
-
Domínguez insta a Sanidade a adquirir un equipo avanzado de diagnóstico de cancro para o Gran Montecelo
Por Anxo Lourido |
-
Unha moza de 21 anos da área sanitaria de Pontevedra, vítima máis nova da covid-19 en Galicia
Por Natalia Puga |
-
Preocupación ante a eventualidade laboral á que se enfrontan médicas de Urxencias en Montecelo
Por Redacción |
-
CESM mantén a súa preocupación polo "caos" de pacientes en Montecelo
Por Redacción |
-
Alertan de que o "colapso" de atención primaria afecta a Montecelo, que vive un "caos"
Por Redacción |