Os sindicatos alertan do "caos" no servizo de Urxencias do Hospital Montecelo
Por Oskar Viéitez
Continúan as denuncias polo "caos" que, segundo os sindicatos, vívese a diario no servizo de Urxencias de Montecelo.
O facultativo e delegado en Galicia da Confederación Estatal de Sindicatos Médicos (CESM), Enrique Marra-López, indicou que este xoves ás 21 horas "quedaban en Urxencias pendentes de ingreso 20 pacientes", e este venres ás 8 horas "quedan pendentes de ingreso 7 pacientes".
Como exemplo da situación que se vive na área sanitaria, Enrique Marra-López relatou que o pasado domingo un médico do PAC de Cambados fixo un "tour sanitario" polo Salnés, "empezou a mañá no PAC de Baltar, a continuación fixo a tarde no PAC de Vilagarcía, e por último a noite no PAC de Cambados, afortunadamente trasladárono de PAC a PAC en taxi, todo un detalle". "E despois din que non colaboramos… así organiza esta dirección as urxencias extra hospitalarias", afirma este delegado de CESM.
Tamén se queixan pola organización das gardas de Medicina Interna, que "ten a numerosos facultativos fartos de tanta discrecionalidade" porque "non hai cadencia algunha, a repartición non é equitativo".
PAC DE MARÍN
Por outra banda, a Plataforma pola Defensa do Centro de Saúde de Seixo, que agrupa a 21 colectivos das parroquias de Santomé de Piñeiro, O Campo, Ardán e Seixo, no concello de Marín, vén de demandar "un segundo médico nas urxencias do PAC ante os problemas de atención vividos na primeira fin de semana de xullo e o aumento da afluencia de persoas no concello co inicio das festas do Carme" que comezan este sábado, 9 de xullo.
A Plataforma explica que nesa primeira fin de semana de xullo, "só houbo unha médica para un concello de 24.000 habitantes e que recibiu un importante número de visitantes coincidindo coa concentración de motos". Varios veciños trasladaron á plataforma "a situación de saturación do servizo, con moita xente agardando por ser atendida e a médica desbordada, facendo o que podía". Nese sentido explican que "algúns deles acabaron en Montecelo, cunha saturación aínda maior, corroborando as denuncias feitas estes días polos profesionais".
Relacionadas:
-
Advertencia do Consello Galego de Colexios de Médicos: "deixar só a un MIR nun PAC vulnera a lei"
Por Redacción |
-
A Plataforma pola Defensa do Centro de Saúde de Seixo celebra un ano de loita veciñal
Por Redacción |
-
Continúa o "colapso" en Urxencias de Montecelo, con dous pacientes esperando ingreso de venres a luns
Por Redacción |
-
A falta de médicos en cinco PAC da área sanitaria satura os servizos de urxencias
Por Oskar Viéitez |
-
A Confederación Estatal de Sindicatos Médicos augura unha fin de semana de colapso nas Urxencias de Montecelo
Por Redacción |
-
A xerencia habilita todas as camas pechadas na área sanitaria
Por Oskar Viéitez |
-
Un paciente de 87 anos, "desesperado" tras 92 horas sen médico e horas sen beber en plena vaga de calor
Por Natalia Puga |
-
Un octoxenario de Sanxenxo esperou 20 horas a que chegara unha ambulancia
Por Redacción |
-
Ferido un veciño de Sanxenxo de 77 anos ao envorcar o seu chimpín
Por Oskar Viéitez |
-
Domínguez insta a Sanidade a adquirir un equipo avanzado de diagnóstico de cancro para o Gran Montecelo
Por Anxo Lourido |
-
Unha moza de 21 anos da área sanitaria de Pontevedra, vítima máis nova da covid-19 en Galicia
Por Natalia Puga |
-
Preocupación ante a eventualidade laboral á que se enfrontan médicas de Urxencias en Montecelo
Por Redacción |