O presidente da Xunta comprométese a trasladar a Pedro Sánchez as reivindicacións das familias do Pitanxo
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/705/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/62d2d190bf-220716_pte_mar_villapitanxo_dcs_5.jpg)
© Xunta de Galicia
![](/web/cache/scene/uploads/fotos/foto/b6f/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/62d2d20428-220716_pte_mar_villapitanxo_dcs_2.jpg)
© Xunta de Galicia
O presidente da Xunta, Alfonso Rueda, comprometeuse este sábado cos familiares do Villa de Pitanxo a trasladar ao presidente do Goberno, Pedro Sánchez as súas peticións sobre a investigación do accidente.
Nun encontro que tivo lugar este sábado no Concello de Marín entre o mandatario galego e as familias das vítimas, cinco meses despois do sinistro no que desapareceron 21 mariñeiros que faenaban en augas de Canadá, Alfonso Rueda recolleu unha carta que lle pediron que fixera chegar a Pedro Sánchez cando este reciba ao presidente da Xunta.
Rueda insistiu en que o Goberno central debería poñer todos os medios a disposición da investigación, e máis agora, cando as condicións meteorolóxicas facilitarían os labores de localización dos desaparecidos. Reiterou, ademais, que o Goberno galego non escatimará recursos para colaborar nesa procura en caso de que o Executivo teña en conta as reiteradas peticións de axuda por parte dos familiares das vítimas.
O titular do Goberno galego recordou que é prioritario aclarar o sucedido no accidente que tivo lugar o pasado 15 de febreiro e que así llo trasladará ao presidente do Executivo central cando manteñan o primeiro encontro logo da investidura de Rueda como presidente da Xunta. De aí que lamentase que dous meses despois do seu nomeamento, a reunión aínda non teña data.
Alfonso Rueda con representantes das familias do Villa de Pitanxo
© Xunta de Galicia
Relacionadas:
-
Familias do Villa de Pitanxo: "isto parécese moito ao Alvia, ao Yak-42 e a Spanair, políticos que non asumen responsabilidades"
Por Natalia Puga & Mónica Patxot |
-
A decepción das familias do Villa de Pitanxo tras reunirse coa ministra de Transportes: "Non foi como esperabamos"
Por Natalia Puga |
-
"O tempo acábase", avisan os familiares do Villa de Pitanxo ante a reunión coa Ministra de Transportes
Por Diego Espiño |
-
A xente do mar mostra fervor pola súa patroa
Por Oskar Viéitez & Mónica Patxot |
-
Recordo aos mariñeiros do Pitanxo no acto de entrega de despachos na Escola Naval
Por Oskar Viéitez |
-
Familias do Villa de Pitanxo, en Bruxelas: "Viñemos aquí a pedir amparo ás institucións europeas"
Por Natalia Puga |
-
Familias do Villa de Pintanxo reuniranse coa ministra de Transportes e insistirán na necesidade de baixar ao pecio
Por Natalia Puga |