Arroz meloso con berberechos e mexillóns Pescamar
![](/web/cache/scene/uploads/fotos/foto/791/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/62f517c491-pexels-nadin-sh-11776362-copia.jpg)
CC BY-NC-SA Foto de Nadin Sh en Pexels
![](/web/cache/scene/uploads/fotos/foto/ab2/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/60953de394-08410599060620_a1r1.jpg)
© Conservas Pescamar
![](/web/cache/scene/uploads/fotos/foto/aa7/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5ee3562db7-08410599012605_a1l1.jpg)
© Conservas Pescamar
Chegamos a unha nova entrega de "A cociña gourmet en conserva" na que Conservas Pescamar propón unha elaboración con berberechos e mexillóns, dúas especialidades moi prezadas na cociña atlántica.
Ademais do seu sabor e textura, tanto os berberechos como os mexillóns posúen un alto contido en ferro. Ademais, achegan proteínas de alto valor biolóxico que, unidas ao seu baixo contido calórico e graxo, fan un alimento ideal como alternativa ás carnes vermellas.
Para preparar un delicioso Arroz meloso con mexillóns e berberechos Pescamar necesitamos os seguintes ingredientes:
- 1 lata de berberechos ao natural Pescamar
- 1 lata de mexillóns en salsa de vieira Pescamar
- 150 g. de arroz
- Herbas aromáticas
- 150 g. de caldo de marisco
- Coñac
- Sal
Preparación:
Fervemos o caldo de marisco con herbas aromáticas. Flamexamos con coñac e cubrimos coa auga da lata de berberechos. Deixamos reducir ata a metade. Coamos o caldo e incorporamos o arroz.
Cando o arroz estea cocido, engadimos o contido das latas de berberechos ao natural Pescamar e os mexillóns en salsa de vieira Pescamar.
Revolvemos suavemente, retiramos do lume e deixamos repousar.
Empratamos nunha fonte e decoramos con hierbas aromáticas.
En dúas semanas, os produtos do mar serán de novo protagonistas dunha nova receita de "A cociña gourmet en conserva" de Conservas Pescamar.