A Vida é Movernos fusiónase co Metrosán para crear un calendario de "Camiñadas"
Por Manu Otero
O verán despedirase de Pontevedra cun amplo calendario de "Camiñadas". Así o anunciou este xoves o concelleiro de Deportes, Tino Fernández, coa creación deste novo programa centrado no fomento de hábitos saudables que combina as actividades da Vida é Movernos coa rede de roteiros de Metrosán.
"Queremos fomentar os hábitos de vida saudables nos espazos públicos", explicou Fernández unha das razóns que levaron a aprobar este calendario, que comezará o 29 de agosto e prolongarase ata finais de setembro con camiñadas programadas todos os luns, mércores e venres.
O primeiro roteiro será unha das máis curtas das previstas e partirá ás 19.30 horas desde A Illa dás Esculturas. O conxunto das quince andainas programadas teñen unha extensión media de 6 quilómetros e, aínda que algunha é máis esixente, "serán accesibles para toda a poboación e queremos que participe o maior número de persoas", puntualizou o promotor da iniciativa, Ricardo Angueira.
Outro dos atractivos do programa é que cada unha das saídas será complementada cunha introdución ao adestramento autónomo e unha serie de exercicios para adestrar a forza, a flexibilidade e a mobilidade articular.
Ao mesmo tempo, con esta campaña, darase máis a coñecer o metrosán, que ofrece roteiros para realizar camiñando, correndo ou en bicicleta e que conta, ao longo dos itinerarios, con diversos tótems nos que se ofrecen exercicios físicos complementarios.
Relacionadas:
-
A Vida é Movernos prepara uns talleres para traballar a meditación e a conciencia
Por Redacción |
-
Convocan paseos en bicicleta pola Xunqueira de Alba para nenos e adultos
Por Redacción |
-
Sábado de danza participativa na rúa para superar situacións de tristeza
Por Anxo Lourido |
-
O baile vai por barrios... e empeza este sábado en Monte Porreiro
Por Redacción |
-
Xornada deportiva no Manolo Barreiro co Torneo Concello de Pontevedra de fútbol a pé
Por Redacción |