Sae a licitación o espazo para emprendedores no centro de formación da Reiboa
Por Redacción
O Concello de Poio activa o proceso de licitación do proxecto ‘Poio Crea’, impulsado pola Concellería de Promoción Económica e Urbanismo e que servirá para dar vida a un novo espazo de emprendemento nas actuais dependencia do Centro de Formación da Reiboa, na Seca.
O responsable da área, Gregorio Agís, sinala que o orzamento ascende a uns 154.000 euros, IVE engadido, e que as obras se sufragarán a través de fondos do Plan Concellos da Deputación de Pontevedra.
Unha vez aprobado o expediente, ábrese un prazo para a presentación de ofertas por parte das empresas interesadas en acometer a obra. Unha vez este adxudicada, Agís confía en que os traballos de remodelación das instalacións poidan comezar antes de que remate o ano, de xeito que este novo espazo estea operativo en 2023.
"É unha gran oportunidade para a creación de empresas e para a xeración de riqueza en Poio, da man dos nosos e das nosas emprendedoras", indica o titular de Promoción Económica e Urbanismo, que salienta que o documento foi consensuado coa Asociación de Empresarios EnPoio.
Unha vez a obra estea finalizada, o Poio Crea albergará terá a capacidade de albergar talleres e actividade empresarial. Tal e como consta na memoria técnica, as obras contemplan importantes melloras tanto na planta baixa como no primeiro andar. "Tamén aproveitamos a ocasión para dotar ás instalacións de unha mellor eficiencia enerxética", explicou o concelleiro, que adiantou que a planta baixa pasará a contar "cun espazo único" que poderá ser compartido polos usuarios.
Relacionadas:
-
Poio incrementa en 30.000 euros o orzamento destinado ao espazo Crea para emprendedores
Por Redacción |
-
Promoción Económica de Poio pon en marcha unha fórmula de formación para persoas con negocios
Por Redacción |
-
Así é Poio Crea+, o espazo para o emprendemento no centro de formación da Reiboa
Por Redacción |