Spain Film Commission impulsa, en Pontevedra, a promoción de España como destino cinematográfico internacional
Por Redacción
A Pontevedra Provincia Film Commission, posta en marcha pola Deputación para impulsar as rodaxes e o sector audiovisual no territorio como eixo económico e aposta turística, vén de consolidarse como referente no conxunto do Estado ao ser escollida pola Spain Film Commision como sede do primeiro ciclo de actividades formativas desta rede aos e as súas responsables a nivel estatal.
O Edificio Administrativo da Deputación é o primeiro dos escenarios nacionais que desde este martes acolle estes cursos impartidos por recoñecidos expertos do ámbito audiovisual como Eduardo Viéitez, CEO de Creast Film; Piluca Querol, directora de Andalucía Film Commission; María Liano, directora de producción de VACA Films; y Elena Martínez, directora de Andersen Tax & Legal Spain.
Despois de Pontevedra, o ciclo continuará en Avila, Sevilla, Toledo, San Sebastián e Alacante.
Estas actividades da Spain Film Commission buscan favorecer a formación entre os representantes das súas distintas entidades a nivel nacional, que serán os responsables de divulgar e promover o turismo cinematográfico a nivel nacional. En concreto, no curso no Edificio Administrativo participan representantes das comisións de Pontevedra Provincia; Vigo; Santiago e Asturias.
A Pontevedra Provincia Film Commission foi impulsada desde a Deputación o pasado 2021, sendo a primeira de carácter provincial creada en Galicia. É un servizo público e gratuíto da Deputación xestionado por Turismo Rías Baixas co obxectivo de promover a provincia como destino de rodaxes e proxectos audiovisuais, así como incrementar o posicionamento da súa imaxe de marca a nivel nacional e internacional e o seu crecemento económico.
Relacionadas:
-
Rías Baixas apela á súa orixe e ás súas raíces para "emocionar e sorprender" en FITUR 2023
Por Alejandro Espiño |
-
Produtoras de EEUU, Alemaña e Reino Unido participarán nunha 'Fam Trip' da Pontevedra Provincia Film Commission
Por Redacción |
-
Comezan en Sevilla e Bilbao os workshops turísticos para dar a coñecer o destino Rías Baixas
Por Redacción |
-
Pontevedra tratará de captar rodaxes das principais produtoras de Hollywood
Por Oskar Viéitez |
-
A Deputación promove a provincia como destino de rodaxes, proxectos audiovisuais e cinematográficos
Por Oskar Viéitez |
-
Pontevedra, primeira provincia galega que entra na Spain Film Commission
Por Oskar Viéitez |
-
Carmela Silva ofrece a provincia como "plató de cine" para reactivar a economía dos concellos
Por María José Pita |