Ferido un policía nun accidente na autovía de Marín
Por Oskar Viéitez
Un axente da Policía Nacional resultou ferido nun accidente de tráfico rexistrado este mércores, sobre as 13.30 horas, na estrada PO-11 coñecida como a Autovía de Marín.
Segundo informou o 112, o sinistro consistiu nunha saída de vía á altura da curva dos Praceres. O coche policial chocou contra a mediana e envorcou. Ningún outro vehículo se viu implicado.
Foi un particular o que alertou do accidente ao Centro Integrado de Emerxencias 112 apuntando que un dos policías necesitaba asistencia sanitaria por un golpe na cabeza o seu compañeiro resultou ileso.
Os dous axentes estaban liberados e accesibles saíndo do coche polos seus propios medios.
Fontes policiais confirmaron o accidente e sinalaron que un dos axentes resultou ferido e foi trasladado ao Hospital QuirónSalud Miguel Domínguez.