O parque infantil de Campolongo é de premio
Por Redacción
Pontevedra suma un novo premio para o seu deseño urbano.
Neste caso, para unha actuación en concreto. O parque infantil de Campolongo, o máis amplo da cidade, foi recoñecido nos I Premios Parques Urbanos, convocados polo Simposium "Urban Solutions".
Este congreso, que organiza en Vigo o Clúster de Enerxías Renovables de Galicia, recoñeceu este parque como o mellor parque urbano para municipios ou entidades territoriais cunha poboación entre 50.000 a 150.000 habitantes.
Os I Premios Parques Urbanos entregaranse no marco deste simposio, que se celebrará os días 19, 20 e 21 de setembro. Buscan recoñecer o concepto, deseño, construción, verificación, uso e mantemento dos parques urbanos realizados polos profesionais do sector.
Ademais do parque de Campolongo, o xurado destes premios recoñeceu o traballo realizado en parques de Ronda (Málaga), Calp (Alacante) e Villalba de Guardo (Palencia); e en dous da propia cidade de Vigo, na rúa Jenaro de la Fuente e no novo edificio de Vialia.
Relacionadas:
-
O premio ao parque infantil de Campolongo xa está en Pontevedra
Por Redacción |
-
Medio Natural mellorará a iluminación do parque infantil de Campolongo
Por Oskar Viéitez |
-
Nin un metro sen nenos no novo parque de Campolongo
Por Mónica Patxot & Redacción |
-
Campolongo estreará o parque infantil "máis grande" de Pontevedra antes de final de ano
Por Alejandro Espiño |