A operación 'Centinela Gallego' pecha a súa última campaña con máis de 80 avistamentos de incidentes
Por Redacción
A operación 'Centinela Gallego 2022' saldouse con máis de 80 avistamentos de incidentes notificados á Xunta de Galicia, segundo informaron desde a Brilat.
As Forzas Armadas despregaron nesta ocasión un operativo formado por 30 patrullas terrestres e medios aéreos non tripulados do Exército de Terra. O obxectivo, indican, "foi realizar labores de vixilancia, disuasión e prevención dos lumes en 33 concellos galegos, repartidos nun total de 7 distritos forestais". As autoridades locais consideran que o balance foi "moi positivo".
A operación iniciouse o 15 de agosto e finalizou o día 01 de outubro co repregamento de todo o persoal, que contou con ao redor de 130 militares ao día, sumando unha contribución final de 350 militares.
Estes percorreron un total de 320.000 quilómetros e realizáronse ao redor de 5.600 patrullas tanto de presenza en municipios e de vixilancia en diferentes observatorios, realizando un total de 11.000 minutos de vixilancia e observación co emprego de sistemas aéreos tripulados de forma remota.
Co despregamento destes medios aéreos non tripulados detectaron e notificaron un total de 28 incidentes relacionados co lume, mesmo se detectaron 7 incidentes en Portugal en zonas próximas á fronteira.
Desde as administracións e autoridades "agradecen a implicación das Forzas Armadas pola súa implicación na loita contra os incendios forestais en Galicia, poñendo en valor o traballo en materia de vixilancia e disuasión da actividade delituosa incendiaria nos montes galegos".
Relacionadas:
-
Os militares da operación Centinela Gallego realizaron en mes e medio 30 avistamentos de lume
Por Natalia Puga |
-
Volve a operación Centinela Gallego, unha acción "única a nivel estatal" contra os incendios
Por Natalia Puga & Cristina Saiz |
-
A campaña de prevención e concienciación polos lumes forestais chega ao colexio de Seixo
Por Redacción |
-
Defensa recruta en Pontevedra a 73 aspirantes para a escala de Tropa e Mariñeiría
Por Redacción |
-
Piden a apertura das instalacións deportivas militares de Campolongo a toda a cidadanía
Por Redacción |
-
O Comandante do Mando de Operacións felicita os militares despregados na 'Operación Centinela Gallego'
Por Redacción |
-
A Brilat retírase dos montes e pon fin á "Operación Centinela Gallego"
Por Oskar Viéitez |