O Concello de Cuntis reacondicionará o parque infantil da Praza da Constitución
Por Redacción
O Concello de Cuntis prepara un operativo de mantemento no parque infantil da Praza da Constitución no que a brigada municipal acometerá traballos de limpeza, renovación do chan, pintado, sustitución da tornillería en mal estado e limpeza en xeral de toda a contorna.
Manuel Campos, alcalde de Cuntis, confirmou que os materiais necesarios para acometer estes traballos xa foron adquiridos e que os traballadores municipais están á espera de que as condicións climáticas sexan favorables para iniciar as tarefas.
O Concello de Cuntis programa de xeito periódico operativos de mantemento nos parques infantís para garantir as mellores condicións de uso e, sobre todo, de seguridade para os nenos e nenas, de aí que se revise tamén o estado dos elementos de xogo. “Por sorte temos un alto porcentaxe de poboación infantil que utiliza habitualmente estes espazos de esparcemento polo que é a nosa responsabilidade velar porque sexan seguros e amigables”, sostén o rexedor.
Neste sentido Manuel Campos apunta tamén a que o Concello esperou a esta época do ano, co curso escolar iniciado e no que os días son máis cortos, para a execución destes traballos xa que así “non interferimos nos momentos do ano en que os nenos e nenas máis poden gozar do exterior e dos parques deseñados para eles”.
Relacionadas:
-
Medio millón de euros, investimento para cambiar as rúas Olimpio Arca e Xoán Xesús González de Cuntis
Por Redacción |
-
A reforma da Rúa da Palma e a reordenación do Espadenal, dúas obras para a "transformación histórica" de Cuntis
Por Redacción |
-
Adxudican a Covsa o proxecto de reurbanización das rúas Olimpio Arca e Xoán Xesús González, en Cuntis
Por Redacción |
-
Sae a licitación o proxecto para converter varias rúas de Cuntis en 'espazos amigables'
Por Redacción |