Un 'mapa das violencias' a través das redes sociais, proposta de Belas Artes con motivo do 25N
Por Redacción
A Facultade de Belas Artes de Pontevedra propuxo unha curiosa iniciativa para conmemorar o vindeiro venres 25 de novembro o Día Internacional da Eliminación da Violencia contra a Muller.
Trátase dun reto en redes sociais no que propoñen "crear un novo mapa das violencias".
En concreto o obxectivo será, a traves de notas de calquera cidadán ou cidadá escritas en post-it denunciando situacións violentas ou machistas ou destacando exemplos de respecto e bo trato, crear unha performance pegando as etiquetas amarelas tanto no propio centro universitario como na rúa.
Ademais solicítase que se suban fotografías á rede social Instagram etiquetando ao perfil @facultadedebelasartes.
Segundo explica a secretaria académica da facultade, Chelo Matesanz, esta é unha iniciativa proposta pola responsable das redes sociais da facultade, a xestora cultural Sara Donoso, que ten como obxectivo "facernos pensar en frases que están incrustadas na nosa forma de comunicarnos, que usamos sen darnos conta e que moitas veces teñen connotacións e significados implícitos de violencia".
Desde Belas Artes propoñen, en resumo, ás persoas participantes que coloquen estas frases tanto nas aulas e corredores da facultade como na rúa ou nas súas propias casas, para así crear "un novo mapa das violencias" a través das redes.
Relacionadas:
-
RADIO.- Que pasou con BeReal e outras redes sociais durante o último ano?
Por Marisa Ciordia |
-
As paredes da facultade de Educación recollen preto de 200 testemuños sobre violencia machista
Por Oskar Viéitez |
-
Concentración, performance e proxección dun filme, actos para conmemorar o 25-N
Por Redacción |
-
Exposición en Campo Lameiro para identificar situacións de sextorsión, chantaxe emocional ou abuso
Por Redacción |
-
A xestión das emocións centra o programa "O Círculo dos afectos" que impulsa o Concello de Cuntis polo 25N
Por Redacción |