Rafa Domínguez, sobre ENCE: "Hai base xurídica para que continúe desenvolvendo a súa actividade"
Por Redacción
Rafa Domínguez, presidente do Partido Popular de Pontevedra, valorou este sábado a situación municipal despois de coñecerse que o Tribunal Supremo fixara para o 7 de febreiro o debate sobre a legalidade da prórroga concedida a ENCE.
O popular declarou que "non podo nin imaxinar o sufrimento de centos e centos de persoas que ven como un recurso inxusto do alcalde, utilizando ferramentas e medios municipais, pode xerar unha perda de emprego masiva na nosa cidade" e admitiu solidarizarse con eles e que "hai base xurídica para que a empresa continúe desenvolvendo a súa actividade".
Domínguez fixo estas declaracións desde a estación meteorolóxica situada en Campolongo, que toma mostras de aire da cidade de forma continuada, debido a que esta mesma semana Ana Pontón, representante nacional do BNG, e Miguel Anxo Fernández Lores, alcalde de Pontevedra, fixeron referencia aos datos recollidos por este aparello.
Neste sentido, desde o PP explican que "ninguén entende que o BNG sosteña que temos os mellores datos nacionais en canto a calidade do aire, cando acto seguido cargan contra ENCE por contaminar".
Reclaman "rigor" e que "se poñan de acordo" en se ENCE "contamina ou non" xa que hai "centos de familias que traballan nesta factoría que ven o seu futuro máis próximo perigar. O meu desexo é que todos poidan manter os seus postos de traballo", concluíu Domínguez.
Relacionadas:
-
"No hay plan B" no Goberno se o Supremo anula definitivamente a concesión de ENCE
Por Alejandro Espiño |
-
Ana Pontón, sobre ENCE: "Agardamos que a sentenza que xa temos se ratifique porque sería sorprendente que iso non se fixese"
Por Anxo Lourido & Mónica Patxot |
-
7 de febreiro, data clave para ENCE: O Supremo examinará a anulación da súa prórroga
Por Alejandro Espiño |
-
Toda unha cidade pendente da sentenza de ENCE
Por Oskar Viéitez |
-
Ence inicia en Navia a produción de Naturcell, celulosa que só se estaba a subministrar desde a fábrica de Lourizán
Por Anxo Lourido |
-
Unai Sordo reclama ao Goberno "que se moje" e deixe de "ponerse de perfil" con ENCE
Por Alejandro Espiño |
-
A Xunta, "descontenta" con ENCE por suspender o seu plan social en Pontevedra
Por Alejandro Espiño |