O Concello, a Deputación e ENCE sentan para falar... da UNED
Por Redacción
O alcalde de Pontevedra, Miguel Anxo Fernández Lores, o presidente da Deputación, Rafael Louzán e o director da Fábrica de Ence de Pontevedra, Antonio Casal, reuníronse este mércores para falar da UNED.
Os tres coincidiron na celebración da primeira Xunta Reitora do curso académico 2013/2014 á que acudiron xunto a outros membros do Padroado, entre outros o vicereitor de Centros Asociados da UNED, Tomás Fernández, o secretario xeral de Universidades, José Alberto Díez de Castro e a directora do Centro Asociado de Pontevedra, Beatriz Rodríguez.
Entre outros puntos do día, procedeuse á liquidación dos presupostos anuais do curso anterior e á aprobación dos presupostos do curso 2013/2014, cuxa contía total ascende a 1.748.978 euros, cifra similar á do exercicio anterior.
Así mesmo, Beatriz Rodríguez destacou no seu informe, lido ante os membros da Xunta e que recolle a actividade do centro nos últimos seis meses "o compromiso de calidade do centro, que en próximas datas será sometido a unha auditoría por parte da Cátedra de Calidade de Tudela".
Por último, anunciou o atraso na finalización das obras da Aula Magna, cuxa inauguración está prevista, finalmente, para o segundo cuadrimestre.
Relacionadas:
-
Rosa María Calaf: "A miña admiración sempre foi para o xornalismo local porque é moito máis difícil"
Por Mónica Patxot & Anxo Lourido |
-
Inicio do curso na UNED mentres se constrúe a Aula Magna
Por Mónica Patxot & Anxo Lourido |
-
A UNED inicia as obras de ampliación da súa sede de Monte Porreiro
Por Redacción |