Poio recuperará o seu Entroido tradicional e o desfile, que sairá de Campelo, aumentará os premios
Por Redacción
Tras dúas edicións condicionadas pola pandemia, Poio vai a recuperar este ano a plena normalidade nunha das sús festas máis senlleiras, o Entroido. Vaise a celebrar no municipio "por todo o alto", segundo avanzou a concelleira de Cultura, Raquel Rodríguez.
A edil mantivo xa unha reunión con representantes dos colectivos e asociacións que, grazas á súa implicación, "fan que Poio conte ano tras ano cun dos entroidos de referencia na provincia de Pontevedra", para avanzar nos preparativos da festa.
O goberno municipal adianta que o gran desfile terá lugar o domingo 19 de febreiro, con saída do núcleo de Campelo, na Praza da Granxa, ás 17:00 horas.
Desde aí, a comitiva circulará por un tramo da PO-308 e accedendo pola Seara a través da Cuarta Travesía, ata as inmediacións do CEIP Isidora Riestra. A chaira da Seca será o punto final.
Ademais, Raquel Rodríguez confirmou que nesta edición haberá un incremento nos premios do concurso no que, como xa é habitual, poderán participar veciños e veciñas de xeito individual, por grupos ou por parellas.
"Poio sempre contou cunha das programacións máis extensas e variadas da bisbarra e, grazas á implicación e ao interese dos colectivos, nesta ocasión poderemos volver a gozar con este festexo tan arraigado no noso concello", celebrou a responsable municipal de Cultura.
Relacionadas:
-
O Entroido de Poio recupera a normalidade nunha das súas citas centrais, o enterro do Galo Fodorico
Por Redacción |
-
O Entroido de Poio bota a andar o domingo cun desfile coa inscrición aberta e operativo de tráfico especial
Por Redacción |
-
O Entroido de 2023, "o máis esperado dos últimos anos" en Pontevedra
Por Álvaro Arosa Barco |
-
Todo un mes para celebrar o desfile e os enterros do Entroido de Poio
Por Oskar Viéitez |
-
O concurso do Desfile de Entroido de Poio repartirá 6.500 euros en premios
Por Redacción |
-
Diversión dominical en Poio, porque 'Seica na Seca... Hai Entroido!'
Por Redacción & Cristina Saiz |
-
Un Entroido diferente en Poio para adaptarse á situación sanitaria
Por Redacción |
-
Cancelan o desfile e os enterros tradicionais do Entroido en Poio
Por Redacción |