Multan un veciño de Poio polos paseos das súas galiñas pola estrada
Por Oskar Viéitez
Un veciño de Poio enfróntase a unha multa de cen euros despois de que as súas galiñas escapásenselle do galiñeiro e paseasen libres pola calzada.
A Policía Local de Poio informou deste suceso ocorrido este sábado, 21 de xaneiro.
Varios condutores que circulaban pola EP-0602, á altura de lugar de Lourido, alertaron aos axentes municipais da presenza de galiñas ocupando os dous carrís de circulación.
Os axentes municipais desprazáronse ao lugar e comprobaron como as aves estaban no medio dunha curva, ocasionando, aseguran os axentes, un risco para o tráfico.
Segundo sinalan "esta é unha infracción moi perigosa, pódese producir un accidente grave" especialmente para os ciclistas e motoristas que circulan por esta concorrida estrada pegada á costa.
O Regulamento Xeral de Circulación, no seu artigo 127, recolle como infracción "deixar animais sen custodia na vía ou nas súas inmediacións, existindo a posibilidade de que aqueles poidan invadir a mesma".
Tendo en conta que non é a primeira vez que estas pitas escápanse do seu curral, a Policía Local de Poio propuxo para sanción ao propietario dos animais.
Relacionadas:
-
Un ferido nunha colisión frontal entre dous coches en Combarro
Por Oskar Viéitez |
-
A Policía Local de Poio alerta de estafas bancarias a través dunha mensaxe SMS
Por Redacción |
-
Desobedece unha orde de ingreso en prisión, acampa na Barca co seu can, foxe da Policía e ameaza con cortarse o pescozo
Por Natalia Puga |
-
Dá positivo en consumo de drogas tras conducir por leiras de Poio ata atrancar o turismo
Por Redacción |