Quince paneis solares farán da Praza do Regueiro un espazo autosuficiente enerxeticamente
Por Redacción
A reforma que o Concello da Illa de Arousa está a realizar na Praza do Regueiro incluirá unha novidade tecnolóxica. Instalaranse quince paneles solares que permitirán que esta área urbana logre a autosuficiencia enerxética.
Os paneis estarán situados nunha edificación de 35 metros cadrados, pensada para dar cabida a un quiosco e dous baños públicos, accesibles e gratuítos.
Estas placas, ademais de abastecer a demanda de funcionamiento da edificación, aportará enerxía suficiente para o alumeado público de toda a praza e mesmo para o sistema de bombeo de augas residuais situado no entorno e que agora funcionan con dous contadores paralelos.
“En días como os desta semana a Praza do Regueiro estará iluminada de noite a coste cero e tampouco haberá consumo eléctrico para o funcionamento do quiosco nin dos baños", explica o edil Luis Arosa, que avanza que esta "vai ser una praza sostible".
O funcionamento dos baños públicos estará ligado á concesión do quiosco, que sairá a licitación tras o remate das obras e cunhas bases que recollerán as obrigas do adxudicatario en canto a limpeza e horarios.
Relacionadas:
-
A cidadanía da Illa de Arousa xa pasea polas renovadas Praza do Regueiro e Avenida de Castelao
Por Redacción |
-
A Praza do Regueiro queda pechada ao tráfico a partir do luns para iniciar a pavimentación
Por Redacción |
-
O Concello da Illa de Arousa destinará 173.479 euros á reordenación da rúa Castriños
Por Redacción |
-
A reforma da Praza do Regueiro encara a última fase
Por Redacción |
-
Un investimento de 2,5 millóns transforma a praza do Regueiro e a Avenida Castelao na Illa de Arousa
Por Redacción |