O Concello mantén a súa intención de comprar o terreno de Malvar para facer un parque en Mollavao
Por Oskar Viéitez
O alcalde de Pontevedra, Miguel Anxo Fernández Lores, asegurou que o Concello de Pontevedra mantén a súa intención de comprar as vellas instalacións de Construcións Malvar en Mollavao co fin de crear un gran parque.
Este proxecto foi anunciado en marzo de 2015, pero unha serie de "problemas administrativos" frustraron a operación para que o Concello dispuxese de 14.300 euros de terreo situado entre a autovía de Marín, o ramal ao Porto e a estrada vella.
Os técnicos municipais tratan de desbloquear a compra co banco propietario do solar de 5.000 metros cadrados. A operación encallou debido ás dificultades xurdidas para demostrar a súa titularidade no Rexistro da Propiedade e no Catastro onde non consta documentalmente o deslinde entre a parcela pública e a privada, o que impediu formalizar a compravenda.
A solución pasa agora por negociar co Catastro unha fórmula para inscribir os terreos que no seu día formaron parte da concesión que Costas outorgou a Malvar en 1942.
Pero tamén hai outro problema, neste caso derivado da lentitude de Costas para ceder outra parte da antiga concesión marítimo-terrestre, uns 9.000 metros cadrados.
"A nosa intención é chegar a acordos", reiterou o alcalde de Pontevedra "están a traballar nese sentido".
Relacionadas:
-
Anabel Gulías, portavoz do goberno local, sobre Costas do Estado: "nin fai nin deixa facer"
Por Juan Manuel García Tajes & Anxo Lourido |
-
Mollavao é o exemplo máis "preocupante" da "parálise" de Costas aos proxectos do Concello
-
O Concello, contra os proxectos da Xunta para a estrada vella de Marín: "están máis pensados en cuestións electoralistas que reais"
Por Redacción |
-
O Concello negocia con Costas a cesión de terreos en Ponte Sampaio, Mollabao, Malvar e na contorna do Pavillón
Por Redacción |
-
Proxectan un gran parque público de 14.000 metros cadrados nos antigos terreos de Malvar
Por Alejandro Espiño |