Marín chora na despedida á súa sardiña, antesala á fin do Entroido
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/034/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63f74f06c7-entierro-marin11.jpg)
© Julio Santos
![](/web/cache/scene/uploads/fotos/foto/565/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63f74f06de-entierro-marin2.jpg)
© Julio Santos
![](/web/cache/scene/uploads/fotos/foto/5ba/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/63f74f06ec-entierro-marin3.jpg)
© Julio Santos
O Entroido vai tocando á súa fin e veñen os choros e os lamentos. Aínda que no caso de Marín con razón. E é que a vila perdeu, como cada ano por estas datas, a unha veciña ilustre. O Enterro da Sardiña, un dos de maior arraigamento de Galicia, tinguiu de loito as súas rúas.
Viúvas, choradeiras, veciños e autoridades civís, políticas e militares acompañaron os restos mortais da sardiña no seu derradeiro paseo polas rúas de Marín, que acolleron unha marcha fúnebre e un velorio, este último no palco da Alameda, no que participaron centos de persoas.
Non faltaron o coche fúnebre, a esquela que anunciaba a súa morte e o libro de condolencias para que a veciñanza puidera expresar o seu lamento pola perda da popular sardiña.
Iso si, este ano con anécdota incluída. Cando os portadores da sardiña procedían a baixala do palco no que fora velada, esta caeu ao chan entre a sorpresa dos presentes. Non tardaron moito é rescatala e retomar o desfile sen problemas
Como marca a tradición desta festa, organizada cada ano polo Ateneo Santa Cecilia en colaboración co Concello de Marín, tras o velorio pronunciouse a homilía de despedida, paso previo para que a finada acabara regresando ao mar.
Marín despediuse desde o paseo marítimo dunha personaxe que regresará á vila o próximo ano. Quizais, se os trámites frutifican antes do próximo Entroido, xa como protagonista dun enterro convertido en festa de interese turístico.
Pero co Enterro da Sardiña non remata o Entroido en Marín.
Aínda quedan, entre outras, dúas grandes citas. Seixo acollerá este sábado 25, a partir as cinco da tarde, o seu desfile de Entroido; e o domingo 26, ás 12:00 horas, os marinenses poderán degustar o bolo do pote, que servirá Pousos de Area na Alameda.
A sardiña despídese de Marín ata o Entroido que vén
O Entroido vai tocando á súa fin e veñen os choros e os lamentos. Aínda que no caso de Marín con razón. E é que a vila perdeu, como cada ano por estas datas, a unha veciña ilustre. O Enterro da Sardiña, un dos de maior arraigamento de Galicia, tinguiu de loito as súas rúas
© Julio Santos
Relacionadas:
-
O Enterro da Sardiña de Marín, declarado festa de interese turístico de Galicia
Por Redacción |
-
Marín entrégase á maxia co seu primeiro festival familiar de artes escénicas
Por Redacción |
-
Aberto o prazo de inscrición para o LXX Concurso de Maios e Embarcacións do Ateneo
Por Rosalía Rico Otero |
-
Bolo do Pote, a tradición faise oco na Alameda
Por Redacción |
-
Dieta de Entroido en Marín: merengue o luns e sardiña o martes
Por Oskar Viéitez |
-
Marín eleva a temperatura do seu Entroido cun desfile espectacular e cheo de cor polas rúas da vila
Por Alejandro Espiño |
-
Os máis pequenos piden paso no arranque do Entroido de Marín
Por Redacción |
-
A sardiña, protagonista do cartel dun Entroido que xa quenta motores en Marín
Por Redacción |