Melloran a accesibilidade dunha zona da Avenida de Ourense
Por Redacción
O Concello de Marín vén de acometer unha actuación na zona da Avenida de Ourense na que hai un acceso portuario, que contaba cun pavimento a base de lastros que supoñía un problema para persoas con mobilidade reducida, xa que a cadeira de rodas non podía transitar correctamente por ese espazo.
Así, creouse unha senda que dá continuidade ao carril bici creado na remodelación da Avenida para xerar un itinerario liso e cómodo no que poidan pasar aquelas persoas en cadeira de rodas sen ter que modificar a súa traxectoria nin verse en problemas polo lastro anterior.
Desde o Goberno local sinalaron que seguen a traballar para tratar de eliminar todas as barreiras arquitectónicas que hai no espazo público, tal e como xa se ven facendo cada vez que se humaniza ou mellora unha rúa.
Agora, estase preparando tamén unha campaña de sensibilización e visibilización en pro da accesibilidade universal "para concienciar á cidadanía, aos comercios, á hostalaría e a todos os sectores relevantes da vida pública da importancia de que todos e todas, independientemente da nosa situación, poidamos acceder por igual aos espazos compartidos".
"Mellorar a accesibilidade do espazo público, así como das instalacións públicas e privadas en xeral, é unha liña estratéxica fundamental para facer da nosa vila un espazo cómodo e inclusivo para todos e todas", afirman dende o Concello marinense.
Relacionadas:
-
A Avenida de Ourense, entre Estribela e a Escola Naval, será humanizada por completo
Por Redacción |
-
O Concello, contra os proxectos da Xunta para a estrada vella de Marín: "están máis pensados en cuestións electoralistas que reais"
Por Redacción |
-
Inxección de 75.000 euros do Plan Concellos para a Festa Corsaria de Marín
Por Natalia Puga |