Antonio Casal, Lucía Casal e Eduardo Barros, as caras pontevedresas na Cámara de Comercio
Por Redacción
José García Costas seguirá sendo presidente da Cámara de Comercio de Pontevedra, Vigo e Vilagarcía de Arousa durante catro anos máis. Tras 22 anos xa no cargo, acaba de ser reelixido para un novo mandato.
A designación de José García Costas, antigo presidente do estaleiro Hijos de J. Barreiras, decidiuse este luns durante a sesión de constitución do novo Pleno da Corporación, formado por 60 membros, que estivo presidida polo director xeral de Comercio e Consumo, Manuel Heredia Pérez, coa presenza do secretario xeral da institución, Manuel Fernández Pool.
O Pleno elixiu tamén o resto de membros do Comité Executivo, entre os que figuran tres nomees sobradamente coñecidos na capital, Eduardo Miguel Barros Pereira, Antonio Casal Lago e Lucía Pedroso Súarez.
Eduardo Barros, antigo presidente da extinta Cámara de Comercio de Pontevedra, é vicepresidente terceiro. Antonio Casal, director de Ence en Galicia; e Lucía Pedroso, ex presidenta de AJE en Pontevedra, son vocais.
Completan a directiva José Manuel Fernández Alvariño (vicepresidente primeiro), Javier Touza (vicepresidente segundo), Ramón Víctor Correa (tesoureiro) e os vogais José Liño Comesaña, Miguel Ángel García Miguéns, Horacio Gómez e Ignacio Selecto.
O Pleno estará constituído inicialmente por 60 vogais; 40 en representación dos distintos sectores empresariais elixidos por sufraxio, 10 propostos pola Confederación de Empresarios de Pontevedra de entre as empresas que realizan achegas voluntarias á Cámara e outros 10 de entre as empresas de maior achega económica.
A Cámara Oficial de Comercio, Industria, Servizos e Navegación de Pontevedra, Vigo e Vilagarcía de Arousa, está formada por máis de 68.000 empresas que realizan a súa actividade nos 55 concellos que compoñen a súa demarcación territorial. O organismo, que ten a súa sede principal en Vigo, conta con puntos de atención ao público nas oficinas de Vilagarcía e Pontevedra.
Relacionadas:
-
A sede en Pontevedra da Cámara de Comercio, á venda por 590.000 euros
-
José María Corujo vence nas eleccións en AEMPE, marcadas pola polémica
Por Redacción & Mónica Patxot |
-
A Cámara de Comercio, preocupada pola "inseguridad jurídica" de relevancia internacional que provoca o caso Ence
Por Mónica Patxot & Anxo Lourido |
-
Eduardo Barros segue como vicepresidente da Cámara de Comercio e Lucía Pedroso entra como vogal
Por Natalia Puga |