Acordan convocar dúas prazas de Policía Local en Cuntis neste 2023
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O goberno local de Cuntis e as centrais sindicais alcanzaron un acordo por unanimidade para convocar dúas prazas de axente da Policía Local no municipio durante este ano.
Manuel Campos, alcalde da vila, sinala que o orzamento municipal xa recollía a existencia de tres prazas, correspondentes a outros tantos policías locais que, anos atrás, prestaron servizo na localidade e que, por diferentes causas, pediron o traslado a outros destinos.
Os postos quedaron vacantes e agora o goberno local quere cubrir eses postos. A taxa de reposición só permite a convocatoria de dúas prazas durante este ano e o proceso iniciarase tras este acordo na Mesa de Negociación.
Campos recoñece que este servizos é moi importante para garantir a seguridade da veciñanza e o obxectivo é recuperar a presenza policial no menor tempo posible.