Unanimidade na Corporación provincial para traspasar á Xunta a Finca e o Pazo de Lourizán
Por Oskar Viéitez
O Pleno da Deputación de Pontevedra aprobou este venres por unanimidade a transferencia á Xunta de Galicia da Finca e o Pazo de Lourizán.
A Corporación provincial, conformada polo Partido Socialista, o Partido Popular e o BNG, ratificaron a declaración de intencións adoptada pola Deputación e a Xunta o pasado 6 de xullo de 2022.
Este voto dos populares chamou a atención do vicepresidente da Deputación, o nacionalista César Mosquera que dixo non entender por que apoia agora o PP a cesión á Xunta do Pazo de Lourizán e, en cambio, opúxose a que o Concello de Pontevedra cedese o convento de Santa Clara á Deputación que "é unha operación parecida".
En todo caso, Mosquera agradeceu esta unanimidade para resolver unha cuestión que "leva 80 anos dando voltas".
O deputado Carlos López Font detallou que agora se abre un prazo para a presentación de alegacións antes da aprobación definitiva do acordo que obriga á administración autonómica a preservar a integridade e manter a afectación dos inmobles da Finca de Lourizán cos seus fins de servizo público, sen prexuízo de desenvolver neles outras actividades complementarias de finalidade pública, entre elas as turísticas, divulgativas ou recreativas.
O incumprimento destas condicións motivaría a reversión automática do inmoble á Deputación.
O Partido Popular non interveu no debate limitándose a apoiar a aprobación do acordo.
Relacionadas:
-
Lourizán "nunca vai perder a titularidade pública" e Ence pode achegar cartos, pero non intervir na xestión
Por Natalia Puga & Cristina Saiz |
-
Un Pazo "único en Galicia" que os Montenegro construíron no século XV e Montero Ríos puxo no mapa no XIX
Por Natalia Puga & Mónica Patxot |
-
Abre o prazo para presentar reclamacións ao expediente de transmisión do Pazo de Lourizán da Deputación á Xunta
Por Redacción |
-
ENCE investirá na fábrica de Lourizán "lo que sea necesario" para que sexa "competitiva"
Por Oskar Viéitez & Mónica Patxot |
-
O aparcamento disuasorio en Lourizán e o tramo de Marín, próximos pasos na humanización da PO-546
Por Redacción |
-
O Pazo de Lourizán, inspiración literaria para unha loita de sagas familiares que traslada ao lector ao século XIX
Por Natalia Puga & Mónica Patxot |