Partirán barcos desde Combarro para visitar a illa de Tambo por primeira vez en Semana Santa
Por Redacción
Navieira Mar de Ons conectará Combarro coa Illa de Tambo por primeira vez durante esta semana Santa. Esta illa comezou a recibir os seus primeiros visitantes o verán pasado e será a primeira vez que os acolla durante a Semana Santa.
En concreto, os interesados contarán con saídas desde o xoves 6 e ata o domingo 9 de abril, ambos inclusive, desde o porto de Combarro. A visita, de máis de 3 horas de duración, inclúe un roteiro guiado durante a cal os visitantes poderán percorrer a pé esta fermosa illa situada na Ría de Pontevedra. As saídas desde Combarro son ás 10:45 horas e os regresos desde a Illa de Tambo ás 14:00 horas.
O prezo para os billetes de adulto, ida e volta, será de 12,50 euros e 6 euros para os nenos entre 5 e 12 anos. A tarifa inclúe tamén a visita guiada. Os menores de cinco anos poderán facer a excursión gratis.
A venda de billetes está xa dispoñible a través da páxina web de Mar de Ons. Para viaxar á Illa de Tambo é imprescindible xestionar a autorización de acceso. Dita autorización é gratuíta e imprescindible para poder realizar a excursión.
Mar de Ons recomenda a todos os interesados que reserven os seus billetes e retiren o permiso de visita con antelación suficiente, pois estas primeiras expedicións contan con prazas moi limitadas. Tamén lembran que viaxen con roupa e calzado cómodo para gozar do roteiro e que na illa non hai papeleiras, polo que cada viaxeiro deberá traer os seus residuos ao porto de orixe.
ILLA DE ONS
Navieira Mar de Ons tamén realiza viaxes á Illa de Ons desde o porto de Combarro durante esta semana Santa, sumándose así aos portos de Pontevedra, Bueu, Portonovo, Sanxenxo e Vigo para gozar deste enclave do Parque Nacional entre o xoves 6 e o domingo 9 de abril.
Relacionadas:
-
As visitas á illa de Tambo, tamén para escolares
Por Redacción |
-
Amplían as viaxes a Tambo debido ao éxito de participación na Semana Santa
-
Tambo e Cíes colgan o cartel de completo
Por Oskar Viéitez |
-
Poio roza as 4.000 prazas de aloxamento turístico e marca un novo teito histórico
Por Redacción |
-
'7 días en Poio', unha campaña para potenciar este destino turístico
Por Oskar Viéitez |
-
Aberto o prazo de presentación de ofertas para asumir a vixilancia da Illa de Tambo
Por Oskar Viéitez |