A CIG alerta da situación de emerxencia social que vive o país pola precarización laboral
![](/web/cache/scene/uploads/fotos/foto/fb7/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/644fba19c3-20230501-saiz-praza-ferreria-cig-manifestacion-1-maio-005.jpg)
© Cristina Saiz
![](/web/cache/scene/uploads/fotos/foto/649/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/644fba1d3f-20230501-saiz-praza-ferreria-cig-manifestacion-1-maio-017.jpg)
© Cristina Saiz
![](/web/cache/scene/uploads/fotos/foto/834/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/644fba21cc-20230501-saiz-praza-ferreria-cig-manifestacion-1-maio-035.jpg)
© Cristina Saiz
Este primeiro de maio a central nacionalista CIG saía ás rúas de Pontevedra ás 11.30 horas partindo da praza da Ferrería para concluír, como é tradicional, na praza do Teucro.
Miguel Anxo Fernández Lores, alcalde de Pontevedra; Xosé Manuel Fernández Abraldes, alcalde de Barro; e o parlamentario autonómico do BNG, Luís Bará, participaron na marcha, entre outros cargos públicos do Bloque Nacionalista Galego.
Marcos Conde, secretario comarcal da CIG, explicaba que Galicia permanece nunha situación de emerxencia social xa que "vivimos moito peor que hai uns poucos anos", apuntou indicando que a esperanza dun goberno progresista do PSOE e Unidas Podemos quedou nun "anuncio estéril" xa que as políticas veñen ditadas de Europa, argumentou.
Explicou que o futuro da clase traballadora está marcado por esas políticas europeas e en Galicia a Xunta mantense nun "papel de colonia" mirando para Madrid e mantendo esas mesmas liñas, asegurou Marcos Conde.
"Precariedade, miseria e pobreza" é o que, segundo o representante da CIG, está a marcar a vida da clase traballadora sen políticas industriais propias en Galicia e dependendo de proxectos externos sen atender o efecto que produce na poboación galega.
Conde asegura que é necesario saír á rúa e lembrou que o sindicato nacionalista realiza actos decote na comarca para reivindicar a recuperación de dereitos en todos os sectores. Anunciou que seguirán manifestándose para "parar o saqueo", lema da central para as manifestacións convocadas neste 1º de maio.
Manifestación da CIG con motivo do 1º de maio
Centos de persoas partían pasadas as 11.30 horas da praza da Ferrería para realizar un percorrido polo centro da cidade e finalizar na praza do Teucro reclamando aos gobernos do Estado e da Xunta salarios e pensións dignas
© Cristina Saiz
A CIG alerta da situación de emerxencia social neste 1º de maio
Marcos Conde. Secretario comarcal da CIG
© PontevedraViva
Manifestación da CIG o 1º de maio
Manifestación que partía da Praza da Ferrería para finalizar na Praza do Teucro, con presenza do alcalde de Pontevedra, Miguel Anxo Fernández Lores
© PontevedraViva
Relacionadas:
-
Protesta da CIG fronte AEMPE polo V Acordo polo Emprego e a Negociación Colectiva
Por Mónica Patxot & Redacción |
-
A plataforma Queremos Galego sairá á rúa o 17 de maio para reclamar o uso da lingua galega
Por Redacción & Juan Manuel García Tajes |
-
Un xulgado de Pontevedra recoñece o dereito de conciliación do persoal de Mercadona ao remate da garda legal para o coidado de crianzas
Por Redacción |
-
'Paremos o saqueo', lema da CIG para a manifestación do 1º de maio reivindicando a acción sindical de "confrontación"
Por Mónica Patxot & Anxo Lourido |
-
Comeza a folga indefinida en Hiperxel
Por Mónica Patxot & Anxo Lourido |
-
“Falar con maquinitas é un ‘rollo’ porque nin nos entenden elas nin as entendemos nós”
-
Folga das traballadoras de H&M, que pechan a tenda de Benito Corbal
Por Redacción & Cristina Saiz |
-
A CIG acusa a patronal hostaleira de pagar salarios máis baixos que hai tres anos
Por Anxo Lourido |