UGT amosa a súa preocupación porque o emprego da comarca se centra na hostalería
Por Cristina Saiz & Anxo Lourido
UGT saía en manifestación, despois de moitos anos, de maneira individual neste Primeiro de Maio, despois de que Comisiones Obreras decidise organizar a súa marcha en solitario.
Ramón Vidal, secretario comarcal de UGT, volveu lamentar esta situación porque "queriamos que fose en unidade".
En todo caso manifestou que tentarán que nos próximos anos se retomen as convocatorias conxuntas, unitarias e reivindicativas "porque os lemas son os mesmos", asegurou en referencia ás catro manifestacións que na mañá deste luns 1 de maio percorrían as rúas de Pontevedra organizadas por outras tantas centrais sindicais: Comisiones Obreras, CIG, UGT e CGT. "*É unha mágoa para nós", lamentou o dirixente sindical
Sinalou, por outra banda, a preocupación laboral que se vive na comarca ao non producirse un cambio de políticas cara á industrialización e manter a dependencia do sector terciario baseado na hostalería e o comercio, "un sector moi débil", expuxo Vidal.
Explicou que é necesario saír á rúa para protesta porque a forza social é a que cambia as políticas para mellorar cando hai un "goberno sensible".
O secretario comarcal de UGT teme tamén a crise que está a provocar a banca nos traballadores. Lembrou que toda a poboación axudara a este sector cando se produciu a crise bancaria e agora "están a afogarnos".
Relacionadas:
-
UGT considera "un gran erro" que CCOO decidira separarse neste 1º de maio en Pontevedra
Por Anxo Lourido |
-
'Cáceres', homenaxeado por UXT e a Fundación Luis Tilve polo 1 de maio
Por Redacción |
-
Pilar Martínez Hervés, traballadora da extinta Cedonosa-IKF de Cuntis, recibe o Premio 8 de marzo da UXT
Por Anxo Lourido |