Consolidada a función asistencial da Unidade de Linfedema do Complexo Hospitalario
Por Redacción
A área sanitaria anuncia que a Unidade de Linfedema do Complexo Hospitalario Universitario de Pontevedra consolida a súa función asistencial a través dun equipo multidisciplinar do Servizo de Rehabilitación.
O equipo está coordinador pola doutora Lourdes Rey, médico rehabilitador e por Ana Crespo, fisioterapeuta especialista en drenaxe linfático.
Esta Unidade atópase no Hospital Provincial e atende a pacientes con patoloxías linfáticas de orixe primaria ou secundaria, ademais de patoloxías vasculares.
Desde a área sanitaria indican que o Linfedema é un problema crónico de saúde, sen tratamento curativo polo momento. Desta forma é fundamental implementar estratexias de prevención e detección precoz para evitar a súa aparición en persoas con risco de desenvolvelo.
Unha gran parte dos casos xorden cando un paciente é sometido a unha cirurxía de baleirado ganglionar, debido normalmente a causa oncolóxica, como sucede en casos de cancro de mama ou de próstata, cancros xinecolóxicos, melanomas ou despois de que os pacientes se sometan a radioterapia.
Esta Unidade de Linfedema tenta reducir o volume da dor e o risco de complicacións infecciosas, ademais de mellorar a funcionalidade do paciente por medio dun programa de tratamento integral denominado "terapia desconxestiva complexa".
Para o tratamento utilízanse técnicas de Fisioterapia e filtracións con toxina botulínica na musculatura afectada no caso da síndrome postmastecdomía.
Tamén se desenvolve a actividade da Escola de Linfedema no Complexo Hospitalario dirixida a pacientes que ofrecen un maior risco de desenvolver esta patoloxía, ofrecendo nocións básicas sobre a enfermidade.
Relacionadas:
-
Os médicos residentes disporán dun programa formativo na UCI da área sanitaria
Por Redacción |
-
A Cea Baile Tómbola da Asociación Contra o Cancro celebra 26 anos de tradición en Pontevedra
Por Oskar Viéitez |
-
Un cribado da hepatite C pioneiro desenvólvese na área sanitaria
Por Redacción |
-
Torrente de reaccións á denuncia dunha nai por non permitirlle acompañar o seu bebé nunha sesión de fisioterapia
Por María José Pita |
-
García Comesaña inaugurará a Xornada de Cirurxía Coloproctolóxica en Montecelo coa presenza dun cento de especialistas
Por Redacción |
-
Un cento de futuros médicos residentes coñecen as especialidades da área sanitaria
Por Redacción |