O Ministerio de Transportes acorda obras de máis dun millón de euros na N-541 onde caeu o autobús ao Lérez
Por Redacción
As obras de reforma da N-541, ao seu paso por Cerdedo-Cotobade, no lugar onde se producía o tráxico accidente dun autobús o 24 de decembro de 2022 terán un investimento de 1.101.764 euros.
Así o acordaba o Ministerio de Transportes, Movilidad e Axenda Urbana este martes 13 de xuño cando tomaba razón da declaración de emerxencia destas obras de reparación e cambio do sistema de contención de vehículos actual do viaduto de Vichocuntín sobre o río Lérez, no punto quilométrico 66+900 da estrada N-541.
No acordo faise mención á calída ao río do autobús, que "produciu danos de gravidade nos sistemas de contención de vehículos existentes no lateral dereito da estrutura, que implican un grave risco para a vialidad e a seguridade viaria", indican.
O prazo estimado de execución das obras é de seis meses, contados a partir da data de inicio dos traballos, segundo comunica o goberno estatal.
O Ministerio atende así a solicitude da Demarcación de Estradas do Estado en Galicia que trasladaba a grave situación existente nese tramo e por este motivo estima "necesario" acometer "de inmediato" determinadas actuacións de inspección e reforma nesta estrada.
Relacionadas:
-
A investigación da traxedia de Cerdedo apunta a que a causa "fundamental" foi un exceso de velocidade do autobús
Por Alejandro Espiño |
-
"Non queremos que a N-541 sexa un cemiterio"
Por Oskar Viéitez |
-
Dúas mulleres e unha menor, trasladadas ao caer por un barranco na N-541 en Cerdedo-Cotobade
Por Redacción |
-
O Goberno central anuncia obras de mellora da N-541 que incluirán o lugar onde caeu o autobús ao Lérez
Por Oskar Viéitez |
-
Miñones ve "fóra de lugar" o pacto de alcaldes pola N-541 ao consideralo "oportunismo"
Por Redacción |
-
Fronte común de alcaldes de Pontevedra e Ourense para esixir unha actuación integral na N-541
Por Alejandro Espiño |
-
Cinco galegos e unha muller peruana, as vítimas mortais do autobús accidentado en Cerdedo
Por Alejandro Espiño |
-
Seis mortos e dous superviventes, o tráxico balance do autobús que caeu ao Lérez na Noiteboa
Por Alejandro Espiño |