A Policía Autonómica comisa máis de nove quilos de navalla no porto de Praceres
Por Redacción
Axentes da Policía Autonómica da xefatura de Pontevedra comisaban o 15 de xuño máis de nove quilos de navalla no porto de Praceres, no municipio de Pontevedra.
Os axentes comprobaron como unha embarcación da que se descargaban produtos pesqueiros nun cesto e escondían este material na zona de aparcamento de vehículos do porto.
Unha vez que inspeccionaron o cesto, comprobaron que contiña 9,1 quilos de navalla e procedían ao seu comiso ao comprobar que se encontraban por baixo do tamaño mínimo.
As navallas atopábanse vivas e foron devoltas ao mar nas proximidades á Illa de Tambo.
En coordinación co Servizo de Gardacostas de Galicia, a Policía Autonómica levantaba a acta por unha presunta infracción da Lei de Pesca de Galicia.
Este operativo enmárcase no operativo para loitar contra o furtivismo que realiza a Policía Autonómica en colaboración coa Consellería do Mar, centrado en impedir a actividade extractiva de furtivos así como a venda, transporte e distribución do produto, sen as garantías sanitarias establecidas.
Relacionadas:
-
A Policía de Poio identifica un turista tras recoller furtivamente 4 quilos de ameixa
Por Oskar Viéitez |
-
Detectan en Vilaboa un transporte irregular de 555 quilos de ameixa procedente de Portugal con destino a Sanxenxo
Por Redacción |
-
Interceptan unha furtiva de Pontevedra na praia da Pinela recollendo ameixas en tempada de veda por toxina
Por Redacción |
-
Solicitan colaboración para localizar o propietario dunha zódiac empregada por furtivos
Por Oskar Viéitez |