Solicitan colaboración para localizar o propietario dunha zódiac empregada por furtivos
Por Oskar Viéitez
Axentes da Policía Local de Poio interviñeron este xoves unha zódiac semirríxida pneumática que foi localizada no Peirao Besada sen identificar a ningún tripulante.
Segundo informaron desde a Xefatura Local, esta embarcación utilizouse nesta pasada noite para extraer ilegalmente ameixa da ría.
A Policía sospeita que a embarcación "posiblemente foi subtraída por furtivos, para sacar o produto".
Os furtivos traballan coa baixamar e cando comeza a subir a marea cargan a ameixa nunha embarcación coa que a trasladan pola ría ata subila en vehículos.
Neste caso os axentes non localizaron a ninguén, xa que abandonaron a embarcación de noite.
Desde a Policía Local solicitan colaboración á cidadanía para localizar ao lexítimo propietario.
Relacionadas:
-
Sorprenden un grupo organizado de furtivos cando repartía 135 quilos de ameixa entre os familiares
Por Oskar Viéitez |
-
A Policía Autonómica comisa máis de nove quilos de navalla no porto de Praceres
Por Redacción |
-
Interceptan unha furtiva de Pontevedra na praia da Pinela recollendo ameixas en tempada de veda por toxina
Por Redacción |
-
Dous veciños de Poio, sorprendidos "in fraganti" cando practicaban furtivismo e foxen nadando
Por Anxo Lourido |
-
O furtivismo de bañador regresa a Poio, con dous casos en Campelo e Laño durante a fin de semana
Por Redacción |
-
Sorprenden dous furtivos que colleron seis quilos de ameixa na praia da Pinela, un deles reincidente
Por Redacción |