As praias de Vilagarcía xa están vixiadas polos socorristas
Por Redacción
Desde este sábado, as tres praias de Vilagarcía de Arousa xa contan con servizo de salvamento e socorrismo acuático.
Así, os areais de Concha-Compostela (Vilagarcía), O Campanario (Bamio) e O Preguntoiro (Vilaxoán) contarán con vixiantes todos os días, entre as 12:30 e as 20:30 horas.
O Concello, para cubrir este servizo, contratou a doce socorristas para atender estes tres areais entre o 1 de xullo e mediados de setembro.
Haberá así persoal suficiente para atender as típicas incidencias que se adoitan dar nunha praia, entre eles, golpes de calor, picaduras de insectos, queimaduras solares, cortes, caídas ou as menos frecuentes, como rescates ou reanimacións.
O goberno municipal explicou que, ademais, os novos aseos portátiles que ampliarán as instalacións existentes na Compostela e na Concha xa están instalados.
Un dos módulos emprazouse xunto aos baños fixos do piñeiral e outro no extremo máis próximo a Carril, no canellón que comunica o paseo marítimo coa praia.
As dúas bandeiras azuis que ondearán en Vilagarcía este verán, nos areais de Concha-Compostela e O Campanario, izaranse este luns.
Relacionadas:
-
A praia fluvial de Monte Porreiro e a de Ponte Sampaio contarán con servizo de socorristas até o 31 de agosto
Por Redacción |
-
Izadas as 17 bandeiras azuis nas praias de Sanxenxo
Por Redacción |
-
Costas traslada a setembro as actuacións para eliminar o cadillo e voltear a area da Concha-Compostela
Por Redacción |
-
O Concello de Vilagarcía solicita á Xunta a contratación de dez socorristas para a temporada de verán
Por Álvaro Arosa Barco |