A piscina municipal de Marín pechará por obras "en breve" e os traballadores irán ao ERTE
Por Redacción
A piscina municipal de Marín terá que pechar de xeito temporal para poder realizar as obras de mellora previstas polo Concello. Durante o tempo que duren os traballos, non estará aberta ao público e as traballadores e traballadores pasarán a réxime de ERTE, cuberto pola Administración local.
Así o deu a coñecer este xoves o Concello de Marín, que anunciou que as obras de mantemento e mellora da piscina empezarán "en breve" e que remata a concesión pública que regula o seu funcionamento e que tivo unha duración de seis anos.
Este cambio de concesionario non afectará aos empregados e empregadas da piscina, xa que o novo prego que regulará a licitación da nova concesión recollerá a subrogación de todos os traballadores e traballadoras do centro.
Non será posible compatibilizar as obras que se precisan coa apertura e a actividade normal da piscina, unha situación que durará "meses".
Segundo explica o Concello, durante o tempo que duren as obras, traballarase nos pregos da nova concesión para que unha vez se rematen as obras a explotación da piscina poida ser adxudicada de novo.
Esta contratación cubre a xestión, coidado e desenvolvemento de actividades tanto na piscina climatizada, como nas salas de fitness e no resto das dependencias da instalación deportiva.
Relacionadas:
-
A piscina municipal de Marín reabrirá as súas portas a primeira semana de marzo
Por Redacción |
-
As obras da piscina de Marín manteñen prazos a pesar da choiva
Por Redacción |
-
Unha decena de Concellos piden fondos provinciais para redactar proxectos de mellora das súas instalacións deportivas
Por Redacción |
-
Serganosa, a empresa proposta para renovar a piscina municipal de Marín
Por Redacción |
-
Catro meses de obras para unha mellora integral da piscina municipal de Marín
Por Redacción |