Lores considera que o investimento previsto pola Xunta para o Pazo de Lourizán "non é suficiente en absoluto"
Por Alejandro Espiño
Os 17,9 millóns de euros que, segundo a previsión do presidente da Xunta, Alfonso Rueda, investirá a administración autonómica na rehabilitación do Pazo de Lourizán "non é suficiente en absoluto", segundo o alcalde de Pontevedra, Miguel Anxo Fernández Lores.
O rexedor lembrou que se trata dunha leira dunhas 50 hectáreas e na que existen varias edificacións que se deben restaurar, polo que considera que as cifras que baralla a Xunta de Galicia para este proxecto distan moito do que esperaba o Concello.
En todo caso, Fernández Lores asegura que o goberno municipal "valora positivamente" esta actuación "porque todo o que veña para Pontevedra é bo".
O alcalde avanzou a este respecto que a Xunta terá "como sempre" a colaboración "máxima" do Concello para impulsar esta actuación, aínda que os escasos detalles desvelados sobre esta rehabilitación "sementan dúbidas" no executivo local.
"Eu non sei que actuacións se farán ou se este é o mellor momento para anuncialas porque ten certo tufillo electoral", subliñou Miguel Anxo Fernández Lores, que asegura estar "á espera" de coñecer todos os detalles do proxecto que impulsa a Xunta de Galicia.
Tanto o Pazo de Lourizán como o arboreto que o rodea, lembrou Fernández Lores, ten un "valor extraordinario", polo que apuntou que "veremos como queda" cando se coñeza o que o goberno galego fará en todo este ámbito de gran riqueza patrimonial.
Relacionadas:
-
Este Nadal poderás coñecer o Pazo de Lourizán con visitas guiadas e gratuitas os días 23, 27 e 30
Por Redacción |
-
Lores solicita por carta entrevistarse cos presidentes da Xunta e a Deputación de Pontevedra
Por Diego Espiño |
-
Entramos no Pazo de Lourizán tras décadas pechado ao público
Por Natalia Puga & Cristina Saiz |
-
Lourizán "nunca vai perder a titularidade pública" e Ence pode achegar cartos, pero non intervir na xestión
Por Natalia Puga & Cristina Saiz |
-
A nova vida do Pazo de Lourizán: aloxamento, restauración e cultura forestal cunha rehabilitación "rigorosa"
Por Natalia Puga & Cristina Saiz |
-
Case 18 millóns para converter o Pazo de Lourizán nun "espazo de encontro" para o sector forestal
Por Alejandro Espiño |
-
Reclaman que a declaración de BIC do Pazo de Lourizán inclúa os mobles e máis terreos
Por Redacción |
-
O Pazo de Lourizán pasa oficialmente a mans da Xunta
Por Natalia Puga |
-
O Pazo de Lourizán, a un paso de ser BIC e lograr a protección integral
Por Natalia Puga |
-
Un Pazo "único en Galicia" que os Montenegro construíron no século XV e Montero Ríos puxo no mapa no XIX
Por Natalia Puga & Mónica Patxot |