O PP emenda a "ambigua" moción do PSOE para a reapertura completa de Raíña Vitoria
Por Redacción
O PP de Pontevedra presentou unha emenda á moción que o PSOE levará ao próximo pleno da Corporación, previsto para a próxima semana, relativa á reapertura da avenida Reina Vitoria, pechada no último mandato polo Goberno local. Os 'populares' consideran a petición socialista "ambigua" e queren modificala.
O presidente local do PP, Rafa Domínguez, sostén que a "única alternativa viable" para a avenida Reina Vitoria pasa pola súa "reapertura completa ao tráfico" e que "a idea do PSOE non se entende".
"Non sabemos aínda se é o tráfico sería de entrada ou de saída", critica Domínguez sobre a moción socialista, e segue insistindo en que o peche é "ilóxico" e "non achegou un só beneficio social, económico nin viario".
O PP xa defendeu en catro ocasiones no pleno municipal a reapertura, tendo sempre os votos en contra do resto da Corporación. Ao BNG repróchalle que "ignora sistematicamente" a opinión dos cidadáns sobre esta polémica e ao PSOE que "se aproveita dela para dar bandazos".
Fronte á "ambigüidade" dos socialistas, no PP mantéñense "firmes" e insisten no seu "compromiso" coa reapertura e na súa intención de "defender os intereses dunha cidade que necesita recuperar unha das arterias principais de acceso e saída do centro urbano".
Relacionadas:
-
O Pleno aproba a reapertura ao tráfico de Raíña Vitoria e a substitución dos lombos nas vías sanitarias
Por Oskar Viéitez |
-
Domínguez, resignado ante un novo goberno BNG-PSOE: "Tengo curiosidad por saber quién se bajará los pantalones con Reina Victoria"
Por Alejandro Espiño |
-
Puentes esixe a Domínguez "menos fogos artificiais e brindes ao sol" con Raíña Vitoria
Por Alejandro Espiño |
-
Rafa Domínguez ofrece un acordo a Iván Puentes para reabrir Raíña Vitoria
Por Alejandro Espiño |