O Pleno aproba a reapertura ao tráfico de Raíña Vitoria e a substitución dos lombos nas vías sanitarias
Por Oskar Viéitez
O Pleno do Concello de Pontevedra, cos votos a favor do Partido Popular e o Partido Socialista, aprobou a reapertura ao tráfico da avenida Raíña Vitoria e a substitución dos lombos nas vías sanitarias.
Ambos os asuntos presentáronse na orde do día como mocións defendidas polo PSOE que foron apoiadas polo PP. Foron 16 votos a favor (once dos populares e cinco dos socialistas) e nove en contra do Bloque.
En virtude do acordado na sesión plenaria deste luns, a corporación municipal de Pontevedra insta o goberno local a iniciar os traballos para a redacción do proxecto de humanización, reforma e usos da avenida Reina Vitoria Eugenia.
Este proxecto deberá contemplar a transformación de todo o espazo nunha rúa de plataforma única con preferencia peonil.
Ademais, incluirá a apertura dos Xardíns de Vincenti (parque das Palmeiras) a esta rúa, mediante unhas escaleiras ao longo de todo o ámbito, que conecten ambos os espazos e, ao mesmo tempo, actúen como bancadas para os eventos que se poidan organizar nesta nova zona convertida nunha gran praza de usos múltiples.
Esta reforma de Raíña Vitoria incluirá o "paso restrinxido de vehículos", adoptando para iso "as medidas necesarias para garantir que se eviten, en todo caso, os tráficos de pasada e outro tipo de accesos distintos de residentes, servizos e acceso a negocios; supeditando os sentidos de circulación aos informes técnicos oportunos".
O portavoz socialista Iván Puentes agradeceu o apoio do PP á súa moción.
Na súa intervención o portavoz municipal do PP de Pontevedra, Rafa Domínguez, lembrou que o seu partido defendeu, ata en catro ocasiones no pleno municipal durante o pasado mandato, a reapertura inmediata de Raíña Vitoria. "Nuestra posición no ha variado", destacou.
Rafa Domínguez asegurou que esta reapertura parcial que propón o PSOE "es una medida con la que el Partido Popular se puede sentir cómodo" e sinalou que "ahora vamos a ver si el BNG y el señor Lores on demócratas y aceptan lo que quieren la mayoría de los pontevedreses representados en este pleno".
O portavoz popular celebrou este "acordo de mínimos" cos socialistas aos que reprochou o seu "doble cara" porque, segundo díxolles "el PSOE cuando gobierna vota una cosa y cuando está en la oposición vota otra".
Pola súa banda, o portavoz do grupo municipal do BNG, César Mosquera, interpretou a moción como "un debate entre el PSOE y el PP por ver quien hace la oposición más montaraz" e advertiu das dificultades que pode poñer Patrimonio á proposta de eliminar o muro da Alameda que, nese aspecto, asegura que non ten "ningunha viabilidade".
Ademais, o concelleiro nacionalista referiuse ao aumento do tráfico que esta reapertura de Raíña Vitoria producirá na Praza de Galicia e Eduardo Pondal co cal "obviamente haberá que tomar outras medidas probablemente bastante máis difíciles ou enérxicas".
VÍAS SANITARIAS
Tamén houbo acordo entre o Partido Popular e o Partido Socialista para que os pasos sobreelevados (lombos) sexan substituídos nas vías sanitarias por outros elementos físicos (rotondas, falsas curvas, estreitamento de carrís...) "que fagan compatible a correcta atención sanitaria no interior das ambulancias e o axeitado traslado dos doentes coa necesaria evitación dos excesos de velocidade, garantindo que se cumpra, en todo caso, a normativa municipal ao respecto" co obxectivo de evitar os riscos que, segundo argumentaron, supoen os lombos tanto para pacientes como para profesionais sanitarios nos traslados en ambulancia.
Relacionadas:
-
O informe de Secretaría conclúe que o acordo do Pleno para abrir ao tráfico Reina Vitoria non é vinculante
Por Oskar Viéitez |
-
Baixar o IBI un 10%, primeira proposta de Domínguez para impulsar unha rebaixa fiscal
Por Alejandro Espiño |
-
Eva Vilaverde, alcaldesa en funcións, sobre a proposta do PSOE: "A man tendida a negociar parece man aberta para dar"
Por Anxo Lourido & Cristina Saiz |
-
O BNG cre que non haberá pacto de goberno e o PP descarta unha moción de censura, "en estos momentos"
Por Oskar Viéitez |
-
Eva Vilaverde asegura que "mentres o BNG siga no Goberno a rúa Raíña Vitoria permanecerá pechada"
Por Oskar Viéitez |
-
O BNG de Pontevedra cre que este mandato "probablemente vaia a moción de censura"
Por Oskar Viéitez & Cristina Saiz |
-
O PP emenda a "ambigua" moción do PSOE para a reapertura completa de Raíña Vitoria
Por Redacción |
-
Domínguez, resignado ante un novo goberno BNG-PSOE: "Tengo curiosidad por saber quién se bajará los pantalones con Reina Victoria"
Por Alejandro Espiño |
-
Puentes esixe a Domínguez "menos fogos artificiais e brindes ao sol" con Raíña Vitoria
Por Alejandro Espiño |